მზიურის მინი სტადიონზე ჩელენჯ ლიგაზე IX ტურის მატჩები გაიმართა. პირველი დღის პირველი მატჩი სპარტასა და E.F.A-ს შორის შედგა და სპარტას გამარჯვებით 12:3 დასრულდა. კვლავ მოწოდების სიმაღლეზეა ჩელენჯის ბომბარდირთა ლიდერი თორნიკე ჩუბითიძე, რომელმაც ამ თამაშში 6 გოლი გაიტანა, ასევე საუკეთესო იყო გენო კალანდაძე, მის აქტივშიც 6 გოლი ჩაიწერა და მატჩის საუკეთესო მოთამაშედაც დასახელდა. ეფადან თაზო ბოხუამ (დუბლი) და ვათა ჯავახიშვილმა გაიტანეს. საბოლოოდ სპარტას 24 მოგება დაუგროვდა და მწვანე ჯგუფის პირველ სამეულს ხურავს, ეფა კი 12 ქულით მეშვიდე ადგილზე იმყოფება.

9 მოგებით მეშვიდე პოზიციას იკავებს SALLER, რომელმაც საბურთალოს 11:6 აჯობა. დამარცხებულს ამ ეტაპისთვის ერთადერთი ქულა გააჩნია და წითელ ზონაში ბოლოსწინა ადგილს იკავებს.

მინიმალური ანგარიშით 2:1 იმარჯვა TTC-მ FEYDEY-ს წინააღმდეგ გამართულ შეხვედრაში. მატჩის გამარჯვებულს ამ დროისთვის 18 ქულა აქვს და მწვანე ჯგუფში მეოთხე პოზიციაზეა,  ფეიდეი კი ერთი ქულით უკანასკნელ საფეხურზეა. გოლები გიორგი ბერიშვილმა და კონსტანტინე ოდიკაძემ გაიტანეს. ფეიდეიდან ზურა იაშვილი გამოირჩა.

2:4 დამარცხდა FC IR  7 კოდთან. გოლები ალექსანდრე მაჩიტიძემ, ლევან ვაშაკიძემ და ანზორ ბერიძემ (დუბლი) გაიტანეს. სტუმართაგან თავი მაზიარ ომიდპურიმ და ემირაჯიმ ჯოეიმ გამოიჩინეს.

თორნიკე ალიხანოვის დუბლით 1:2 მოიგო ჰერმესმა SPERA-თან გამართული დაპირისპირება. სფერადან პრესტიჟის გოლი ცოტნე ქინქლაძემ გაიტანა.

ბოლო რამდენიმე თამაშია მოგებების სერიას განაგრძობს CRYSTALBET-ი, რომელმაც ამჯერად HIPP დამარცხა 11:3. გამარჯვებულთაგან 6 გოლი გაიტანა დავით მაკარაძემ, დუბლი შეასრულა გიორგი გიგოშვილმა და გიორგი ზოიძემ, ერთიც მინდია შკუბულიანმა გაიტანა. ჰიპიდან გიორგი ნარსიას დუბლი და გიორგი გოგოლაშვილის გოლი გავიდა.

სანახაობრივი მატჩი გამოვიდა და საბოლოოდ 6:5 დაამარცხა მეგობრებმა ბრიტანია. გამარჯვებულთაგან ნიკოლოზ ლიპარიშვილი (პოკერი), ვალერი არაგველი და დავით ცერცვაძე გამოირჩნენ. ბრიტანიას რიგებში კი გოლები გაიტანეს ლუკა ფარცვანიამ (ჰეტრიკი), რეზო ყიფიანმა და გარი წერეთელმა.

ჩელენჯ ლიგის მიმდინარეობისას პირველი მატჩი ვერ მოიგო და ფრედ 2:2 დაასრულა არმიამ თბილსერვისთან შეხვედრა. დუბლი გაიფორმა მინდია კოპალეიშვილმა. თბილსერვისიდან კი ნუგზარ კაპანაძემ და ნიკა ენუქიძემ გაიტანეს. არმია 25 ქულით კვლავ პირველ საფეხურზეა, თბილსერვისს კი 17 ქულა აქვს და მეშვიდე ადგილს იკავებს.

27 ქულა აქვს და მწვანე ჯგუფის ლიდერია ვაზისუბანი, რომელმაც 2:4 მოუგო PERSIS FC-ს. სტუმრებს 8 ქულა გააჩნიათ და მეათე პოზიციაზე არიან .

4:8 დამარცხდა ჯითისი ვიჯი ტექნოსთან. 6 გოლის გატანა მოახერხა თორნიკე მაჭავარიანმა, თითო გოლი ლევან ჩუტკერაშვილმა და ლევან მესხმა გაიტანეს. ჯითისიდან დუბლი შეასრულა თამაზ ლავრელაშვილმა და დავით კაკუბერიმ. სატურნირო ცხრილის მიხედვით ვიჯი ტექნო  მეორე, ჯითისი კი მესამე ადგილზეა.

7x7 TEAM-სა და ინტერსპორტის დპირისპირება 4:10 დასრულდა. აღსანიშნავია, რომ ინტერსპორტში თამაშობს მასტერ ლიგის ისტორიაში ყველაზე ასაკოვანი ფეხბურთელი კობა ახალკაცი, რომელიც მატჩის საუკეთესოდაც დასახელდა. მოგებულთაგან გოლები გაიტანეს გიორგი ფირანაშვილმა (ჰეთრიკი), ოთარ გაგნიძემ (ჰეთრიკი), გიორგი ალავიძემ (დუბლი), ერეკლე ხაჭვანმა და იოსებ ახალკაცმა. 7x7-ზე გუნდიდან კი გიორგი თავბერიძემ (დუბლი), აკაკი ხლაბუსტოვმა და ლაშა ჩალაძემ გაიტანეს.

მეცხრე ტურის დასრულების შემდეგ შეიძლება ითქვას, რომ მწვანე ჯგუფის ერთპიროვნული ლიდერია ვაზისუბანი, მას მოყვება ინტერსპორტი, მესამეა სპარტა. ლურჯ ჯგუფს სათავეში უდგას არმია, მეორე ვიჯი ტექნოა, სამეულს კი ხურავს ჯითისი.

ბომბარდირებს 40 გოლით ლიდერობს თორნიკე ჩუბითიძე, მას მოყვება ირაკლი ლატარია, რომელსაც 22 გოლი აქვს გატანილი, მესამე კი ვიტალი უზოევია ასევე 22 გოლით. შვიდეულში არიან ლაშა გურგენიძე (21), ოთარ გიგნაძე (17), ცოტნე ქინქლაძე (16) და ზურაბ კბილიაძე (16).

ტურის სიმბოლოურ გუნდი ასე გამოიყურება: გენკა კალანდაძე, ვიტალი უზოევი, ზურაბ კბილაძე, ანზორ ბერიძე, კონსტანტინე ოდიკაძე, თორნიკე მაჭავარიანი, ნიკა ენუქიძე, დავით მაკარაძე, კობა ახალკაცი, თორნიკე ალიხანოვი, ნიკოლოზ ლიპარიშვილი. ფეხბურთელები მასტერ ლიგის მხარდამჭერმა კომპანია ვიტამინმა სპეციალური პრიზით ტრადიციულად დააჯილდოვა.