17-18 ოქტომბერს ჩელენჯ ლიგის მერვე ტურის მატჩები გაიმართა. ლურჯი ჯგუფის ლიდერმა არმიამ ტრადიციულად მოიგო და 24 ქულით კვლავ პირველ ადგილზეა. შემდეგია  ჯითისი, რომელსაც 18 ქულა მოუგროვდა, სამეულს კი 16 ქულით თბილსერვისი ხურავს. მწვანე ჯგუფის პირველადგილოსანია ვაზისუბანი, რომელსაც 24 ქულა აქვს. მეორე გახლავთ ინტერსპორტი 21 ქულით, მესამეზეა სპარტა 21 ქულით.

უშუალოდ თამაშებს რაც შეეხება, მზიურის მინი სტადიონზე პირველი დაპირისპირება adjarasport-სა და ლურჯი ჯგუფის ლიდერ არმიას შორის შედგა. მატჩი როგორც მოსალოდნელი იყო ფავორიტის გამარჯვებით 1:10 დასრულდა.

დამაჯერებლად 8:3 მოუგო ბრიტანიამ HIPP-ს. ამ გამარჯვებით გუნდს 10 ქულა გაუხდა და ლურჯ ჯგუფში მეშვიდე ადგილს იკავებს. ჰიპი კი 5 ქულით მეათეა.

მინიმალური ანგარიშით 1:2 დამარცხდა 7 კოდი CRYSTALBET-ის წინააღმდეგ გამართულ შეხვედრაში. გოლები ნადიმი კახაძემ დ აირაკლი მესხიამ გაიტანეს. დამარცხებულთაგან პრესტიჟის გოლი გიორგი კერატიშვილმა ჩაიწერა საკუთარ აქტივში. ამ მოგებით კრისტალბეთს 10 ქულა და ჯგუფის მეექვსე ადგილი აქვს, 7 კოდი კი 15 ქულით მეხუთე საფეხურზეა.

0:2 წააგო FC IR-მა თბილსერვისთან. გოლები მამუკა ჭიტაძის და შაკო კვანტალიანის ანგარიშზეა. როგორც ზემოთ ავღნიშნეთ თბილსერვისს 16 ქულა აქვს და ჯგუფის პირველ სამეულს ხურავს, FC IR კი 8 ქულით მერვეა.

კვლავ კარგად გამოიყურება და ამჯერად 4:2 მოუგო სპარტამ SALLER-ს. დუბლი გაიფორმა და მატჩის საუკეთესოდაც აღიარეს ლევან შარაძე. ასევე დუბლი შეასრულა თორნიკე ჩუბითიძემ, რომელიც ჩელენჯ ლიგის ბომბარდირთა დავაში პირველია. სალერიდან კი რეზიკო იაკობიძე და ნიკა ახობაძე გამოირჩნენ.

2:6 დამარცხდა FEYDAY PERSIS FC-ს წინააღმდეგ შეხვედრაში. მატჩის საუკეთესოდ სტუმართა 8 ნომერი ფარსა დასახელდა, მის გუნდს კი 13 ქულა და ჯგუფში მეექვსე პოზიცია უკავია. ფეიდეის ერთადერთი ქულა გააჩნია და ბოლო ადგილზეა.

ფრედ 3:3 დასრულდა ვიჯი ტექნოსა და ცხოველთა მონიტორინგის დაპირისპირება. მონიტორინგელთაგან დუბლი შეასრულა ირაკლი ბაჯელიძემ. ერთიც ალეკო ჭელიძემ გაიტანა. ლევან ჩუტკერაშვილი, არჩილ ალბორიშვილი და გიორგი გოცირიძემ გაიტანეს ვიჯი ტექნოს შემადგენლობიდან.

SPHERA-ს გამარჯვებით 6:3 დასრულდა E.F.A-სთან გამართული შეხვედრა.

მატჩის ფავორიტი იყო და გასაკვირად 1:2 დამარცხდა ინტერსპორტი TTC-სთან. ინტერსპორტიდან გიორგი ფირანაშვილმა გაიტანა, ერთიც ავტოგოლი გავიდა. TTC-დან კი დიმიტრი დემურაშვილის გოლი ვიხილეთ. TTC მწვანე ჯგუფში 15 ქულით მეოთხე ადგილზეა, იტერსპორტი კი 21 ქულით მეორე გახლავთ.

7:2 დაამარცხა ჯგუფის მეორეადგილოსანმა ჯითისიმ მეგობრები, რომელსაც 7 ქულა და მეცხრე ადგილი გააჩნია.

13 ქულა და ჯგუფში მეხუთე ადგილი აქვს ჰერმესს, რომელიც ლიდერმა ვაზისუბანმა 4:1 დაამარცხა. გოლები ლაშა გურგენიძემ, ნიკა ფანცულაიამ, ვიტალი უზოევმა და ირაკლი ბურჭულაძემ გაიტანეს. ჰერმესიდან ლაშა ჩხაიძე გამოირჩა.

ტურის საუკეთესოები გახდნენ: ფარსა (პერსისი), გარი წერეთელი (ბრიტანია), ნადიმი კახიძე (კრისტალბეთი), ლევანი შარაძე (სპარტა), მამუკა კიზირია (თბილსერვისი), მინდია კოპალიანი (არმია). ცოტნე ქინქლაძე (სპერა), ნიკუშა ჟღენტი (ჯითისი), ირაკლი ბურჭულაძე (ვაზისუბანი), ირაკლი ბაჯელიძე (ცხოველტა მონ.), ბექა სიხარულიძე (TTC ). ფეხბურთელები მასტერ ლიგის მხარდამჭერმა კომპანია ვიტამინმა სპეციალური პრიზით დააჯილდოვა.

ჩელენჯ ლიგის ბომბარდირთა ჩამონათვალს თორნიკე ჩუბითიძე (34) ხსნის, მას მოყვება ირაკლი ლატარია (22), მესამეა ლაშა გურგენიძე (21). შვიდეულშ არიან: ვიტალი უზოევი (20), ცოტნე ქინქლაძე (15), ოთარ გიგნაძე (14) და ზურაბ კბილაძე 14.