მასტერ ლიგა გრძელდება და ასევე გრძელდება საუკეთესო ფეხბურთელების გამოვლენა. ამჯერად, ტურნირის საორგანიზაციო ჯგუფმა და კომპანია Apple City-მ VI ტურის საუკეთესოდ „ზოომარტის“ ფეხბურთელი ირაკლი სიხარულიძე დაასახელა, რომელთან ინტერვიუსაც გთავაზობთ.

-გამარჯობა ირაკლი, საუკეთესოდ გაღიარეს და ჩვენც ბუნებრივია შენით დავინტერესდით. გთხოვ, ორი სიტყვით გაგვეცნო.

-მე ვარ ირაკლი სიხარულიძე, დავიბადე ქ.თბილისში 1982 წლის 22 სექტემბერს.

-სპორტთან შენი კავშირიც საინტერესოა...

თავიდანვე რატომღაც ფეხბურთი მიზიდავდა და 7 წლიდან დავიწყე კიდეც მოყვარულის დონეზე და შემდეგ პროფესიონალად ჩამოვყალიბდი. სტარტი „ნორჩ დინამოელში“ მქონდა და შემდეგ ვთამაშობდი „ვიტ ჯორჯიაში“, „თსუ-ში“, „ლოკომოტივში“, „კახეთში“, სოხუმის „ცხუმში“ და „აგარაში“.

რატომ მაინცდამაინც ფეხბურთი? იყო გუნდი ან ფეხბურთელი, რომლის გამოც დაინტერესდი ამ სახეობით?

რა თქმა უნდა მყავდა საყვარელი გუნდი და ფეხბურთელები. ჩემს ბავშვობაში უკეთეს ფეხბურთს თამაშობდნენ ვიდრე ახლა. დღემდე ვგიჟდები პატრიკ კლიუვერტზე და რონალდოზე, მიყვარს ბარსა და თანამედროვე ფეხბურთელებიდან მესიზე და რონალდუზე საუბარი ზედმეტია. უდავოა, რომ საუკეთესოები არიან.

მასტერ ლიგაზეც მითხარი, როგორ მოხვდი ჩვენს ტურნირზე?

ბიზნეს ლიგას ვთამაშობდი ჩემს გუნდთან ერთად და სწორედ იქ მოვკარი ყური რომ არსებობს მგავსი ჩემპიონატი. გავარკვიე ,რამდენად შესაძლებელი იყო ჩემი მონაწილეობა და რადგან ხელს არაფერი მიშლიდა სიამოვნებით ჩავერთე.

შეაფასე ჩვენი ტურნირი...

წინა წელსაც ძალიან მომწონდა, თუმცა წელს განსაკუთრებით დახვეწილია და რა პრეზენტაციაც ქონდა ამართლებს კი არა წინ უსწრებს კიდეც და მომავალშიც დარწმუნებული ვარ უფრო განვითარდება.

7x7-ზე სხვა სპეციფიკაა, არც მინია არც დიდი, მარტივად მოერგე?

შარშან თითქმის მთელი სეზონი დაგვჭირდა ამ სტილზე გადმოსაწყობად, ლამის ყველა თამაში წავაგეთ, თუმცა ბოლოსკენ მოვახერხეთ ცოტა მობილიზება, აზრზე მოსვლა და ავთამაშდით.

რას ურჩევდი დამწყებ მოთამაშეებს?

პირველ რიგში, ვურჩევ რომ ბევრი შრომა ჩადონ ამ ყველაფერში. შეუძლებელია ვარჯიშის გარეშე რამე შედეგის მიღწევა. ასევე, აუცილებელია მაქსიმალურად შეინარჩუნონ სიმშვიდე, რადგან ბოლო წუთამდე შანსი გაქვს რომ გაიტანო. ჩვენი გუნდის მაგალითს მოვიყვან, წინა თამაშზე მოვდუნდით, ემოცებს ავყევით და 40 წამში 2 გოლი გაგვიტანეს კიდეც, ამიტომ დიდი  ყურადღება და მობილიზებაა საჭირო მოედანზე.

სამომავლო გეგმებზეც რომ მითხრა...

სპორტული თვალსაზრისით, ასაკიდან გამომდინარე მხოლოდ მასტერის და ბიზნეს ლიგების თამაშს თუ შევძლებ, დანარჩენს დრო გვიჩვენებს.

ქართულ ფეხბურთზეც გვითხარი ორიოდე სიტყვით და მოახლოვებულ თამაშებზე რას ფიქრობ?

ქართული ფეხბურთის განვითარებაში დიდი წვლილი შეაქვს მასტერ ლიგის მსგავს ტურნირებს. ერთგვარ მაგალითს ვაძლევთ დამწყებ ფეხბურთელებს იმისას, თუ როგორ უნდა ითამაშონ, შეიყვარონ და ზოგადად აკეთონ ეს საქმე. აქაც უყურებენ, ხედავენ ვეტერან ვარსკვლავ ფეხბურთელებს, ეს კი ერთი სიამოვნებაა. თქვენი ტურნირი ნამდვილად დიდ საქმეს აკეთებს ამ ამბავში, პოპულარიზაციას უწევს, ავითარებს და აყვარებს მომავალ თაობას ფეხბურთს. რაც შეეხება მომავალ თამაშებს, ისევე როგორც აქამდე, მოგებაზე ვართ ორიენტირებული და ჩვენი მხრიდან ყველაფერს გავაკეთებთ ამისთვის. ბოლო 2 მატჩი ძალიან მნიშვნელოვანი იყო ჩვენთვის, დიდი ძალისხმევა ჩავდეთ, მოვიგეთ და ასევე გვსურს მომავალში გაგრძელება.