3-4 ოქტომბერს მზიურის მინი სტადიონზე ჩელეჯ ლიგის VI ტურის მატჩები გაიმართა. პირველი შეხვედრა HIPP-სა და ვიჯი ტექნოს შორის შედგა, მატჩი 5:7 დასრულდა. გამარჯვებულთაგან პოკერი შეასრულა თორნიკე მაჭავარიანმა, თითო გოლი ლევან ჩიტკორაშვილმა, გივიკო ტიტვინიძემ და ლადო თურმანიძემ გაიტანეს. ჰიპიდან კი გიორგი კირვალიძის დუბლი ვიხილეთ, ასევე გაიტანა გიორგი გოგოლაშვილმა, ცოტნე კაპანაძემ და  გიორგი ნარსიამ. სატურნირო მდგომარეობით ვიჯი ტექნო 15 ქულით მეორე ადგილს იკავებს. ჰიპი კი 5 ქულით მეცხრეა.

6:4 მოუგო ლურჯი ჯგუფის მესამე ადგილოსანმა თბილსერვისმა ბრიტანიას, რომელსაც 7 ქულა აქვს და მეექვსე საფეხურზეა.

ძალიან დიდი ანგარიშით 1:16 დამარცხდა FEYDEY სპარტასთან გამართულ შეხვედრაში. გამარჯვებულს 15 ქულა და მწვანე ჯგუფის მეორე ადგილი აქვს, ფეიდეი კი 1 ქულით ბოლო ადგილზეა.

4:2 დასრულდა 7 კოდისა და მეგობრების დაპირისპირება. დუბლი გაიფორმა ლევან ვაშაკიძემ, თითო გოლით კი მურმან ბაკურაძე და ანზორ ბერიძე გამოირჩნენ. საპასუხო დუბლი შემოგვთავაზა ნიკოლოზ ლიპარიშვილმა.  12 ქულა აქვს და მეხუთე პოზიციას იკავებს 7 კოდი, მეგობრები კი 7 ქულით მეშვიდე ადგილზე არიან.

4:0 მოუგო PERSIS FC-მ  E.F.A-ს, რომელსაც 9 ქულა აქვს და მეექვსე ადგილზე იმყოფება, პერსისი კი 7 ქულით მეშვიდე პოზიციაზეა.

FC IR ჯითისის დაუპირისპირდა და 1:2 დაამარცხა. მოგებულთაგან დავით კაკუბერმა და ირაკლი პირველმა გაიტანეს. ერთადერთი საპასუხო გოლი საკუთარ აქტივში ემირაჰიმ ჯოეიმ ჩაიწერა. ჯითისის 12 ქულა აქვს და მეოთხე საფეხურზეა, FC IR კი 5 ქულით მერვეა.

ძალიან საინტერესო გამოდგა ჩელენჯ ლიგის მეორე სათამაშო დღის მატჩები. პირველ შეხვედრაში, რომელიც არმიასა და ცხოველთა მონიტორნინგს შორის გაიმართა, ჯგუფის ლიდერმა მხოლოდ 1 ბურთით შეძლო წინ გასვლა და საბოლოოდ მონიტორინგი, რომელიც წინა ტურებისგან განსხვავებით საკმაოდ მოძლიერებულია 6:5 დაამარცხა. საბოლოოდ როგორც ვახსენეთ არმია მაინც ლიდერია და საკუთარ აქტივში 18 ქულა აქვს, მონიტორინგი კი მხოლოდ 1 ქულით ბოლო საფეხურზეა. რაც შეეხება გოლებს, ჰეთრიკით გამოირჩა ირაკლი ლატარია, დუბლი გაიფორმა დავით კოხრეიძემ და ერთიც ენრი ჩადუნელმა გაიტანა. მონიტორინგიდან საუკეთესო იყო ზაზა ხურციძე, რომელმაც პოკერი გააკეთა, ერთი გოლი კი გიორგი მალკიშევის ანგარიშზეა.

მოულოდნელად დასრულდა CRYSTALBET-სა და adjarasport-ის დაპირისპირება, რომელშიც კრისტალბეთმა 13:0 იმარჯვა. გუნდი გადახალისებული შემადგენლობით გამოცხადდა, რამაც ანგარიშიდან გამომდინარე ფაქტია გაამართლა. გოლები გაიტანეს დავით მაკარაძემ (ჰეთრიკი), გიორგი ზოიძემ (დუბლი), კობა ბაღიშვილმა (დუბლი), ირაკლი ფირცხელიანმა, ირაკლი შავლიაშვილმა, ზურაბ მაკარაძემ, ბონდო ბერიძემ, ირაკლი მესხიამ და გიორგი გიგოშვილმა. სატურნირო მდგომარეობით კრისტალბეთი 4 ქულას აგროვებს და მეათე ადგილზეა, აჭარასპორტი კი ასევე 4 ქულით და ნაკლები გოლით მეთერთმეტე საფეხურზეა.

წინა მატჩებისგან განსხვავებით მცირე ანგარიშით მოიგო ვაზისუბანმა, რომელიც SALLER-ს ეთამაშა. შეხვედრა 3:2 დასრულდა. დუბლი შეასრულა ვიტალი უზოევმა, ერთი გოლი კი ნოდარ ლებანიძემ გაიტანა. სალერიდან გიო ნაკანი და ზურაბ კბილაძე გამოირჩნენ. 6 ტურის შემდეგ 15 ქულა აქვს და ლიდერთა სამეულს ხურავს ვაზისუბანი. სალერი კი 6 ქულით მერვე პოზიციაზეა

5:2 მოუგო ინტერსპორტმა საბურთალოს. გამარჯვებულთაგან მეგოლეებად გიორგი ფირანაშვილი (დუბლი), ირაკლი ხუჭუა (დუბლი) და ერეკლე ხაჭვანი მოგვევლინენ. საბურთალოს რიგებში კი ლაშა ლაზარაშვილი და ლაშა მდივანი გამოირჩნენ. ინტერსპირტს 18 ქულა მოუგროვდა და მწვანე ჯგუფს კვლავაც ლიდერობს. საბურთალო კი ერთადერთო ქულით წითელ ზონაში რჩება და მეთერთმეტე ადგილს იკავებს.

მოგებებს განაგრძობს ჰერმერსი, მომელმაც ამჯერად TTC-ს 3:1 აჯობა, ცხრილშიც გადაუსწრო და 13 ქულით მეოთხე ადგილზეა. TTC-ს კი 12 ქულა აქვს და მეხუთე პოზიციას იკავებს. რაც შეეხება გოლებს, თავი ლევან ცერცვაძემ (დუბლი) და ლაშა ჩხაიძემ გამოიჩინეს. დამარცხებულთაგან კი ერთადერთი გოლი გიორგი დათაშვილმა ჩაიწერა საკუთარ აქტივში.

დღის ბოლოს ძალიან საინტერესო და დაძაბული გამოდგა SPERA-სა და 7x7 TEAM-ს შორის გამართული შეხვედრა. მატჩი კაცნაკლულმა 7x7 TEAM-მა ფრედ 3:3 დაასრულდა. უხეშობისთვის წითელი ბარათით დაჯარიმდა გიორგი თავბედიძე, რომელსაც შემდეგი თამაშის გამოტოვება მოუწევს. აღსანიშნავია, რომ 7x7 TEAM არის 7x7 ფეხბურთის ფედერაციის გუნდი, რომელიც ტურნირში აი გრუპის ნაცვლად ხსენებული მატჩით ჩაერთო. გოლების ავტორები ფედერაციის პრეზიდენტი აკაკი ხლაბუსტოვი და ლევან კოპალიანი (დუბლი) გახდნენ, სფერადან კი ცოტნე ქინქლაძემ, სანდრო ტერაშვილმა და სანდრო ქურდაძემ გაიტანეს. სატურნირო მდგომარეობით სპერას 4 ქულა აქვს და მეცხრე ადგილზეა, 7x7 TEAM კი 1 ქულით მეათე პოზიციაზე განთავსდა.

ჩელენჯ ლიგის მეექვსე ტურის საუკეთესოები გახდნენ: თორნიკე მაჭავარიანი, Pouria Ghaderi, შოთა ჯიშკარიანი, ლევან ვაშაკიძე, თორნიკე ჩუბითიძე, დავით კაკუბერი, დავით მაკარაძე, თორნიკე ალიხანოვი, ირაკლი ლატარია, ირაკლი ხუჭუა, ნოდარ ლებანიძე და ლევან კოპალიანი. ფეხბურთელები მასტერ ლიგის მხარდამჭერმა კომპანია ვიტამინმა დაასაჩუქრა.

6 ტურის ბოლოს ჩელენჯ ლიგის ბომბარდირებს 25 გოლით თორნიკე ჩუბითიძე ლიდერობს, მეორეა ირალკი ლატარია, რომელსაც 20 გოლი აქვს გატანილი, სამეულს კი 15 გოლით ვიტალი უზოევი ხურავს.