26-27  სექტემბერს ჩელენჯ ლიგის მეხუთე ტურის მატჩები გაიმართა. პირველი შეხვედრა აი გრუპსა და PERSIS FC შორის შედგა და სტუმრების გამარჯვებით 3:9 დასრულდა.

მწვანე ჯგუფის აუტსაიდერი საბურთალო მეორეადგილოსან ვაზისუბანს დაუპირისპირდა და 4:11 დამარცხდა. შედეგად გამარჯვებულს 12 ქულა დაუგროვდა, საბურთალო კი ისევ 1 ქულას სჯერდება. რაც შეეხება გოლებს, არჩილ კიკოლაშვილის ჰეთრიკი და ლაშა ლაზარაშვილის გოლი ვიხილეთ საბურთალოდან. ვაზისუბანში კი კვლავ საუკეთესო იყო ჩელენჯ ლიგის ერთ-ერთი ბომბარდირი ვიტალი უზოევი, რომელმაც 6 გოლი გაიტანა, ასევე გოლებით გამოირჩნენ ბესიკ კავთუაშვილი (დუბლი), ლაშა გურგენიძე, ლაშა წაქაძე და გოგიტა უგულავა.

ფრედ 6:6 დასრულდა ცხოველთა მონიტორინგისა და CRYSTALBET-ის შეხვედრა. ლურჯი ჯგუფის აუტსაიდერებს თითო ქულა აქვთ და ბოლო 11-12-ე ადგილებს ინაწილებენ.

2:4 დამარცხდა FC IR მეგობრებთან გამართულ მატჩში. შეხვედრის გამარჯვებულს 7 ქულა აქვს და ჯგუფში მეშვიდეა, სტუმრები კი 5 ქულით მერვე ადგილს იკავებენ.

HIPP-ისა და ლურჯი ჯგუფის ლიდერ არმიას დაპირისპირება არმიელების გამარჯვებით 3:5 დასრულდა. ამ მოგებით არმიას 15 ქულა დაუგროვდა. ჰეთრიკით გამოირჩა ტურნირის ერთ-ერთი ბომბარდირი ირაკლი ლატარია, თითო გოლი ენრი ჩადუნელმა და გიგა ბერაიამ გაიტანეს. ჰიპიდან, რომელსაც 5 ქულა აქვს და მეცხრე პოზიციაზეა  გოლები ცოტნე კაპანაძემ, ლევან სურმანიძემ და გიორგი კირვალიძემ გაიტანეს.

0:3 დამარცხდა ვიჯი ტექნო თბილსერვისთან გამართულ შეხვედრაში. გოლები საკუთარ აქტივში შაკო კვანტალიანმა (დუბლი) და ნუგზარ კაპანაძემ ჩაიწერეს. რაც შეეხება სატურნირო მდგომარეობას, ვიჯი ტექნო ლურჯ ჯგუფში 12 ქულით მეორე საფეხურზეა, თბილსერვისს კი 10 ქულა აქვს და ლიდერთა სამეულს ხურავს.

მზიურის მინი სტადიონზე მეორე სათამაშო დღე საკმაოდ უხვგოლიანი გამოდგა. 12:1 მოუგო სპარტამ SPERA-ს. პენტატრიკი შეასრულა თორნიკე ჩუბითიძემ, ერთი გოლით ნალკლები და პოკერი გაიფორმა დიმიტრი ჯაფარიძემ, გენადი კალანდაძე და დავით ოჯოიანი კი თით გოლიდ გამოირჩნენ. სპერადან ერთადერთი გოლი ცოტნე ქინქლაძის ანგარიძზეა. შედეგად გაირკვა, რომ სპარტას 12 ქულა დაუგროვდა და მწვანე ჯგუფში მესამე ადგილს იკავებს, სპერა კი 3 ქულით მეცხრეა.

11:2 იმარჯვა ინეტრსპორტმა, რომელსაც 15 ქულა და ჯგუფის პირველი ადგილი აქვს  FEYDEY-სთან გამართულ მატჩში. აუტსაიდერების ანგარიშზე მხოლოდ 1 ქულა და წითელ ზონაში მეათე ადგილია. გამარჯვებულთაგან პენტატრიკი შეასრულა ოთარ გაგნიძემ, დუბლები კი გიორგი ალავიძემ და გიორგი ამაღლობელა შემოგვთავაზეს.  ფეიდეიდან მიშო გელოვანმა და ზურა იაშვილმა გაიტანეს.

4:5 წააგო SALLER-მა ჰერმესთან დაპირისპირებაში. აღსანიშნავია, რომ ხსენებულ თამაშში მასტერ ლიგის ისტორიაში პირველი პენალტის გამომუშავება მოახერხა ჰერმესელმა ლაშა ჩხაიძემ, რომელიც გოლად ლაშა ცერცვაძემ აქცია, კიდევ ერთი გოლიც დაამატა და დუბლი შეასრულა. ასევე გაიტანა თავად ჩხაიძემ და თორნიკე ალიხანოვმაც. სალერიდან გოლებით გიორგი ფანგანი, მათე შარია, შაკო ალხანიშვილი და გივი ყურაშვილი გამოირჩნენ.

მინიმალური სხვაობით 0:1 დამარცხდა E.F.A   TTC-სთან. ერთადერთი გოლის ავტოორი გიგა გიგაური გახდა. ჯგუფში 12 ქულა აქვს და მეოთხე საფეხურზეა ტტც, ეფას კი 9 ქულა და მეექვსე საფეხური უჭირავს.

2:4 დათმო შეხვედრა ჯითისიმ ბრიტანიასთან შეხვედრაში. გამარჯვებულთაგან დუბლი შეასრულა ლუკა ფარცხვანიამ, ასევე გაიტანეს გარი წერეთელმა და გიორგი ზიბზიბაძემ. ჯითსიდან კი დავით კაკუბერი და დავით ცხონდია გამოირჩნენ. 9 ქულით მეხუთეა ჯითისი, 7 ქულა და მეექვსე ადგილი აქვს ბრიტანიას.

დღის ბოლო დაპირისპირებაში 7 კოდმა  4:3 მოუგო adjarasport-ს. შედეგად 9 ქულა დაუგროვდა და ჯგუფში მეოთხეა მატჩის გამარჯვებული 7 კორი. აჭარასპორტს კი 4 ქულა აქვს და მეათე პოზიციაზეა.

ჩელენჯ ლიგის მორიგი ტურის მატჩები 3-4 ოქტომბერს გაიმართება. მანამდე 29 სექტემბრიდან კი მასტერ ლიგის მეექვსე ტურის შეხვედრები დაიწყება.