19-20 სექტემბერს ჩელენჯ ლიგის მეოთხე ტურის მატჩები გაიმართა. მზიურის მინი სტადიონზე დღის პირველ დაპირისპირებაში ვაზისუბანი, რომელიც მწვანე ჯგუფში მეორე საფეხურზეა FAYDAY-ს შეხვდა და 10:3 დაამარცხა. გამარჯვებულთაგან კვლავ საუკეთესო ფორმაშია  და ჰეთრიკით გამოირჩა ლაშა გურგენიძე, რომელიც 8 გატანილი გოლით ბომბარდირთა დავაშია. ასევე ჰეთრიკი გაიფორმა ვიტალი უზოევმა. დუბლი შეასრულა კახა ტოგონიძემ, თითო გოლი კი ბესიკ კავთუაშვილისა და გოჩა გიორგანაშვილის ანგარიშზეა. ფეიდეიდან კი ჰეთრიკი ვიხილეთ მიშო გელოვანის შესრულებით, მისი გუნდი კი ჯგუფში 1 ქულით მეათეა.

3:2 მოუგო ვიჯი ტექნომ adjarasport-ს და 12 ქულითა და 4 მოგებით ლურჯ ჯგუფში მეორე პოზიციაზე დამკვიდრდა. აჭარასპორტი კი 4 ქულით მეცხრე ადგილს იკავებს. ომარ შუბითიძე (დუბლი) და თაზო ასლანიშვილი გამოირჩნენ მოგებულთაგან, მოწინააღმდეგე გუნდიდან კი ვახო გოთუამ და თორნიკე ტურავამ გაიტანეს.

ისევ დამარცხდა ცხოველთა მონიტორინგი, რომელიც ბრიტანიას ხვდებოდა, შეხვედრაში 2:5 დაფიქსირდა. ბრიტანია 4 ქულით მერვე ადგილს იკავებს, მონიტორინგი კი უქულოდაა და მეთერთმეტე პოზიციაზე გახლავთ.

1:6 დამარცხდა PERSIS FC სპარტასთან, რომელიც ცხრა ქულით ჯგუფში მეოთხე ადგილს იკავებს, პერსისი კი 1 ქულით მეცხრე ადგილზე იმყოფება. რაც შეეხება გოლებს, პოკერი შემოგვთავაზა თორნიკე შუბითიძემ, ასევე გაიტანეს კოტე ჯღარკავამ და დავით ოქოიანმა. პრესტიჟის გოლი კი საიდ იოსელიანის ანგარიშზეა.

კიდევ ერთი შეხვედრა შედგა FC IR-სა და HIPP-ს შორის, რომელიც საკმაოდ დაძაბული და სანახაობრივი გამოდგა. ორივე მხრიდან დიდი მცდელობის მიუხედავად მატჩი ფრედ 3:3  დასრულდა. გუნდები მწვანე ჯგუფში 5-6 ადგილებს ინაწილებენ.

მეგობრული ანგარიშით 1:1 დასრულდა გუნდ მეგობრებისა და თბილსერვისის დაპირისპირება. 7 ქულა აქვს და მეორთხე ადგილი უჭირავს ჯგუფში თბილსერვისს, რომლის რიგებშიც ნიკა ენუქიძემ გაიტანა. მეგობრებიდან კი ნიკა ლიპარიშვილის გოლი ვიხილეთ.

ჩელენჯ ლიგის მეორე სათამაშო დღეც სანახაობრივი და გოლებით დატვირთული გამოდგა. 9:2 მოუგო ჰერმესმა საბურთალოს. ამ გამარჯვებით 7 ქულა დააგროვა და  მეექვსე ადგილს იკავებს, საბურთალოს ჯი ჯერ მოგება არ აქვს, 1 ქულა გააჩნია და წითელ ზონაში მეთერთმეტე პოზიციაზეა.

5:12 დამარცხდა SPERA მწვანე ჯგუფის ლიდერ ინტერსპორტთან გამართულ დაპირისპირებაში. მოგებულთაგან პოკერი შეასრულა ერეკლე ხაჭვანმა, ჰეთრიკი გააკრთა გიორგი ფირანაშვილმა, დუბლი გიორგი ალავიძის ანგარიშზეა, თითო გოლი კი საბა ხაზალიამ და ოთარ გაგნიძემ გაიტანეს. სპერას რიგებში კი ცოტნე ქინქლაძე (ჰეთრიკი), სანდრო ტერაშვილი და ზურაბ გოცირიძე გამოირჩნენ.

2:7 დამარცხდა 7 კოდი ჯითისისთან. 7 კოდს 6 ქულა აქვს და მეოთხე ადგილზეა, ჯითისის კი 9 ქულა მოუგროვდა და ლიდერთა სამეულს ხურავს. რაც შეეხება გოლებს, ჯითისის რიგებში დავით კაკუბერი (დუბლი), გიორგი პაიჭაძე (დუბლი), ნოდარ დარახველიძე, გიორგი ვაწაძე და ნიკუშა ჟღენტი გამოირჩნენ. დამარცხებულთაგან  დუბლი გაიფორმა კონსტანტინე მაჩიტიძემ.

1:5 დასრულდა SALLER-ისა და TTC-ს დაპირისპირება. მატჩის გამარჯვებულს ამ ეტაპისთვის 9 ქულა აქვს და მეხუთე ადგილს იკავებს. სალერი კი 6 ქულით მეშვიდეა.

მწვანე ჯგუფის ბოლოადგილოსანი აი გრუპი E.F.A-ს დაუპირისპპირდა და 1:6 დამარცხდა. ამ მოგებით E.F.A-მ 9 ქულა დააგროვა და ჯგუფში მესამე საფეხურზე დამკვიდრდა. დუბლით გამოირჩნენ გამარჯვებულთაგან ლუკა კვანტალიანი და ლაშა თადუმაძე, თითო გოლი კი ბრუნო ახვლედიანისა და თეოდორ ვაზირფურის აქტივში ჩაიწერა. აი გრუპიდან პრესტიჟის გოლი საბა ქუთელიას ანგარიშზეა.

1:10 დამარცხდა უქულოდ დარჩენილი და ჯგუფის აუტსაიდერი CRYSTALBET ლიდერ არმიასთან, რომელსაც თავის მხრივ ყველა მოგება, 12 ქულა და ჯგუფის პირველი ადგილი აქვს. ჰეთრიკი შეასრულა ბაკურ ნანეიშვილმა, ასევე ჰეთრიკი გაიფორმა და 14 გოლი აქვს გატანილი ირაკილ ლატარიას, რომელიც ჩელენჯ ლიგის  ბომბარდირთა ჩამონათვალს ლიდერობს დღის მესამე ჰეთრიკი დავით კოხრეიძის ანგარიშზეა, ერთი გოლიც ირაკლი ცომაიამ გაიტანა. კრისტალბეთდან ერთადერთი გოლის ავტორი ალექსანდრე მომოტოვი გახდა.

ჩელენჯ ლიგის მორიგი ტურის მატჩები 26-27 სექტემბერს გაიმართება.