ჩელენჯ ლიგის II ტური დასრულდა. 12-მა შეხვედრამ სატურნირო ცხრილში ფავორიტები გამოავლინა.  ლურჯ ჯგუფში 6 ქულით არმია, ვიჯი ტექნო და 7 კოდი გალიდერდნენ. მწვანე ჯგუფში კი SALLER, ვაზისუბანი და ინტერსპორტი ასევე 6 ქულით იკავებენ წამყვან პოზიციებს.

პირველი სათამაშო დღე HIPP-ისა და ცხოველთა მონიტორინგის დაპირისპირებით დაიწო და მინიმალური სხვაობით 7:6 ჰიპის გამარჯვებით დასრულდა. მოგებულთა რიგებში ჰეთრიკით თავი გირგი კირვალიძემ გამოიჩინა, დუბლი გაიფორმა გიორგი გოგილაშვილმა, თითო გოლით კი გუნდს ცოტნე კაპანაძე და აკაკი კაპანაძე დაეხმარნენ. დუბლი გაიფორმა მიხეილ კოსტავამ ცხოველთა მონიტორინგიდან, გიორგი მჭედლიშვილი, გიორგი შალვაშვილი, თორნიკე ბაკურაძე და ზაზა ხურციძე კი გუნდს თითო გოლით დაეხმარნენ. ამ გამარჯვებით ჰიპის ანგარიშზე 4 ქულა დაგროვდა და ჯგუფში მეოთხე ადგილზე იმყოფება. ცხოველთა მონიტორინგი კი 0 ქულით მეათე ადგილზე განთავსდა.

ჯგუფში მეხუთე და მეშვიდე ადგილებს ინაწილებენ TTC  და სპარტა, რომელთა დაპირისპირებაც 5:10  სპარტას გამარჯვებით დასრულდა.

მორიგი მატჩი გაიმართა 7 კოდსა და ბრიტანიას შორის, რომელიც ამ უკანასკნელის მარცხით 3:2 დასრულდა.  ამ გამარჯვების წყალობით, რომელიც გუნდს კონსტანტინე მაჩიტიძემ, გიორგი კერატიშვილმა და ილია ქარქაშაძემ მოუტანეს, 7 კოდი 6 ქულით მესამე ადგილზე განთავსდა და ლიდერთა სამეულს შეუერთდა. ბრიტანიას რიგებში კი გოლებით თავი რეზო ყიფიანმა და რობერტ ბოკოევმა დაგვამახსოვრეს. გუნდს 1 ქულა აქვს და ჯგუფში მერვე ადგილზე იმყოფება.

მწვანე ჯგუფის აუტსაიდერი აიგრუპი ლიდერ SALLER-ს ეთამაშა და დიდი ანგარიშით 3:14 დამარცხდა. გამარჯვებულთაგან უპრეცედენტო გოლების (8) რაოდენობა ჩაიწერა საკუთარ აქტივში ზურაბ კბილაძემ, რომელსაც პოკერით მათე შარია დაეხმარა. აიგრუპში დუბლი გაიტანა გიორგი ხუროძემ, ერთი გოლი კი საბა ქუნთელიამ.

საკმაოდ დაძაბული გამოდგა FC IR-სა და ვიჯი ტექნოს დაპირისპირებას, რომელიც ქართველთა გამარჯვებით 0:2 დასრულდა. გოლები ნიკა ტურენკომ და ნიკა ციცვინიძემ გაიტანეს. ორი მატჩის ჯამში ვიჯი ტექნო 6 ქულით ჯგუფში მეორე პოზიციას იკავებს, 1 ქულა აქვს FC IR-ს და მეცხრე ადგილზეა.

მეხუთე და მეექვსე ადგილებს ინაწილებენ adjarasport და თბილსერვისი, რომელთა მატჩიც თანაბარ ბრძოლაში წარიმართა და საბოლოოდ აჭარასპორტის გამარჯვებით 5:4 დასრულდა.

ჩელენჯ ლიგის მეორე სათამაშო დღე ლურჯი ჯგუფის ლიდერ არმიასა და მეგობრების დაპირისპირებით გაიხსნა. მატჩი არმიის გამარჯვებით 9:2 დასრულდა. მოგებული გუნდის რიგებში პენტატრიკი შეასრულა ირაკლი ლატარიამ, თითო გოლი კი გოგა ბაქრაძის, ლაშა ფოფხაძის, დავით კოხრეიძისა და გოჩა ჯიქიას ანგარიშზეა. ვალერი არაგველი და გიორგი გვენეტაძე გამოირჩნენ მეგობრებიდან.

ასევე უხვგოლიანი გამოდგა E.F.A-სა და ვაზისუბნის შეხვედრა, რომელიც  ვაზისუბანმა 2:9 მოიგო. ბრუნო ახვლედიანი და გიგა ჩოხელის გოლები ვიხილეთ E.F.A-დან. გამარჯვებულთაგან კი თითო გოლით თავი გიორგი ვეშაგურმა, გიორგი გაგუამ და კახა ტოგონიძემ გამოიჩინეს. დუბლი გაიფორმა ლაშა გურგენიძემ, ჰეთრიკის ავტორი გახდა ვიტალი უზოევი. ვაზისუბანი 6 ქულით მწვანე ჯგუფში მეორე ადგილს იკავებს. E.F.A კი სამი ქულით მეოთხეზეა.

9:4 დასრულდა SPHERA-სა და FEYDAY-ს დაპირისპირება. SPHERA ჯგუფში 3 ქულით მეექვსეა, FEYDAY კი უქულოდაა და მეთერთმეტე პოზიციას იკავებს.

მორიგი მატჩი გამართა ჯითისიმ, რომელმაც CRYSTALBET-ს 6:3 აჯობა, 3 ქულა დააგროვა და მეშვიდე პოზიციაზე დამკვიდრდა. კრისტალბეთი კი უქულოდ დარჩა და ჯგუფში  მეთერთმეტეზეა.

ორივე გუნდის აქტიურობის მიუხედავად უგოლო ფრე (0:0) დაფიქსირდა FC PERSIS-სა და საბურთალოს შორის. ორი მატჩის ჯამში PERSIS-ს ერთი ქულა აქვს და ჯგუფში მეცხრე პოზიციაზეა. ასევე ერთი ქულა აქვს საბურთალოს და მეათე ადგილს იკავებს.

ჩელენჯ ლიგის მეორე ტურის მეორე სათამაშო დღე ჰერმესისა და ინტერსპორტის დაპირისპირებით დასრულდა, მატჩი ამ უკანასკნელმა დამაჯერებლად 2:7 მოიგო. ინტერსპორტი ჯგუფში 6 ქულით ლიდერთა სამეულს ხურავს. ჰერმესს კი 3 ქულა აქვს და მერვე ადგილზე იმყოფება. გამარჯვებულთაგან დუბლები ვიხილეთ ბუბუ გაგნიძის, გიორგი ალავიძისა და გიორგი ფირანაშვილის შესრულებით. ერთი გოლით კი ირაკლი ხუჭუა გამოირჩა.

8 სექტემბერს ტურნირი მასრტერ ლიგის მორიგი ტურის მატჩებით განახლდება.