თბილისის Master League-ის და Challenge League-ის გუნდები დაწყვილდნენ
წილისყრის შედეგად, თბილისის მასტერ
ლიგის მონაწილე 20 გუნდი მწვანე და ლურჯ ქვეჯგუფებში გადანაწილდა. გუნდები კალენდარული პრინციპით 9 ტურს ითამაშებენ. პირველ 4 ადგილზე
გასული გუნდები ორივე ქვეჯგუფიდან ოლიმპიური პრინციპით შეხვდებიან და
საჩემპიონო ფლეიოფს ითამაშებენ, სადაც 2 მატჩის შედეგად გამოვლინდება
გამარჯვებული. ფინალის და მესამე ადგილის მატჩის გამარჯვებული კი ერთი
დაპირისპირებით განისაზღვრება.
Challenge League-ის მონაწილე 24 გუნდი მასტერ ლიგის მსგავსად, ასევე ლურჯ და მწვანე ჯგუფევში გადანაწილდნენ. გუნდები კალენდარული პრინციპით 11 ტურს ითამაშებენ და ჯგუფების გამარჯვებულები სუპერფინალში დაუპირისპირდებიან ერთმანეთს Challenge League-ის ჩემპიონის გამოსავლენად. რაც შეეხება ჯგუფებში მე-2 და მე-3 ადგილზე გასულ გუნდებს, ისინი მასტერ ლიგაში აღზევებისათვის ფლეიოფში დაუპირისპირდებიან Master League-ის ლურჯ და მწვანე ქვეჯგუფებში მე-8 და მე-9 ადგილზე გასულ გუნდებს. ჩელენჯ ლიგის ჯგუფებში მე-12, მე-11, მე-10 და მე-9 ადგილზე გასული გუნდები კი მომდევნო სეზონიდან ასპარეზობას დაიწყებენ PROGRES LEAGUE-ში.