დღეს, განახლებულ ,,მზიურის პარკში“ 7×7-ზე ფეხბურთის ასოციაციის პროექტის “MASTER LEAGUE”-ს პრეზენტაცია გაიმართა. ღონისძიებას დედაქალაქის მერი კახა კალაძე, განათლების, მეცნიერების, კულტურისა და სპორტის სამინისტროსა და ფეხბურთის ფედერაციის წარმომადგენლები დაესწრნენ.

ტურნირი სტარტს 21 აგვისტოს ამბროლაურში აიღებს, 25 აგვისტოს კი პირველ თამაშს დედაქალაქი უმასპინძლებს. პროექტში მონაწილეობას მთელი საქართველოს მასშტაბით დაახლოებით 544 გუნდი მიიღებს.

გასული წლისგან განსხვავებით პროექტი წელს უპრეცედენტოდ მასშტაბური იქნება და მასში საქართველოს 64 მუნიციპალიტეტიდან  12000-მდე მონაწილე ჩაერთვება, გარდა ამისა 2020 წლის „MASTER LEAGUE“-ის ჩემპიონატში გოგონების 64 გუნდი მიიღებს მონაწილეობას.

პროექტი ქალაქ თბილისის მერიისა და საქართველოს განათლების, მეცნიერების, კულტურისა და სპორტის სამინისტროს დაფინანსებით იმართება,მიზნად კი ფეხბურთის განვითარების ხელშეწყობას და ჯანსაღი ცხოვრების წესის დანერგვას ისახავს.