7 მაისს, თბილისში, მზიურის სტადიონზე, 7x7 ფეხბურთის სამოყვარულო ჩემპიონატი დაიწყო.

გახსნითი მატჩის დაწყებამდე, დამსწრე საზოგადოებას ფეხბურთის ასოციაციის პრეზიდენტმა - აკაკი ხლაბუსტოვმა და დედაქალაქის მერმა, კახა კალაძემ მიმართეს  პროექტის მნიშვნელობასა და ჯანსაღი ცხოვრების პოპულარიზაციაზე ისაუბრეს.                          

თბილისის მასტერ ლიგის გათამაშების პირველ დღეს ორი შეხვედრა ჩატარდა: თბილისი მერია 3 : 3 კრწანისი  და გრასრუტი 10 : 2 თიბისი.

ეროვნული ნაკრების ყოფილმა კაპიტანმა თბილისის მერიის გუნდის შემადგენლობაში ითამაშა და შეხვედრა კრწანისის გუნდის წინააღმდეგ ფრედ  3:3 დასრულდა.

მეორე შეხვედრაში კი გრასრუტმა, რომელიც ძირითადად ვეტერანი ფეხბურთელებითა და ფეხბურთის ფედერაციის წარმომადგენლებით დაკომპლექტდა, მეტოქე 10:2 დაამარცხა.

აღსანიშნავია, რომ ტურნირის პირველი გოლი თბილისის მერიის გუნდის კაპიტანმა, დედაქალაქის მერმა - კახა კალაძემ გაიტანა.