მასტერ ლიგა 2-ის მეხუთე ტური 12 ივნისს, სფერასა და თბილსერვისს შორის მატჩით გაიხსნა. თბილსერვისმა 3 გოლის გატანა მოახერხა, მაგრამ 3 გოლი ირაკლი ბურჭულაძემაც გაიტანა, ამას სფერამ კიდევ ორი მიამატა და ანგარიშით 5-3 დაამარცხა მეტოქე.

ბლექსთარი ამ სეზონში ძალიან კარგად გამოიყურება. ეს პათოსი მათ შაბათსაც გამოჰყვათ და კვარტალი დამაჯერებლად, ანგარიშით 7-0 დაამარცხეს. საუკეთესო მოთამაშედ ჩუკუნონსო ონკონუო დასახელდა.

ჰერმესმაც მიბაძა წინამორბედი მატჩის გამარჯვებულს და მათაც 7 გოლი გაუტანეს საბურთალოს. კვარტალისგან განსხვავებით, საბურთალომ 2 გოლი შეაგდო, მაგრამ ნიკა ზიბძიბაძის ჰეთ-თრიკისა და ლაშა ჩხაიძის პოკერს ვერ აჯობეს.

დამაჯერებელი გამარჯვებების მერე დრო მოვიდა დაძაბული მატჩიც გვენახა. ცხოველთა მონიტორინგსა და ტტც-ს შორის მატჩი სწორედ ასეთი გამოდგა. გიორგი გვენეტაძემ დუბლი გააკეთა, მაგრამ ტტც-ს ლევან კასრაძემ გუნდს 3-2 ვიქტორიისკენ წარუძღვა და ტტც-მ 3 ქულა ჩაიწერა.

კიდევ უფრო თანაბარი და დაძაბული გამოდგა შემდეგი შეხვედრა კრწანისსა და ეფა-კროკობეთს შორის. ეს მატჩი უდავოდ ტურის ცენტრალური იყო, რადგან ერთმანეთს მასტერ ლიგა 2-ის პირველ და მეორე ადგილზე მყოფი გუნდები ხვდებოდნენ. კრწანისს გოლთა შეფარდებაში აქვს უპირატესობა. კროკობეთმა მალევე გადადგა ნაბიჯები პირველი ადგილისკენ და ისინი 3-1-საც იგებდნენ გარკვეული დროის მანძილზე, თუმცა კრწანისმა ბოლომდე იბრძოლა და ანგარიშიც გაათანაბრა. საუკეთესოდ ზურა მაკარაძე დასახელდა.

დაძაბულობა არც ძველ თბილისსა და საჯარო რეესტრს შორის დაპირისპირებას აკლდა. გუნდები გარდამავალი უპირატესობით ასპარეზობნენ, მაგრამ საქმის ბოლომდე მიყვნა რეესტრის ბიჭებმა შეძლეს და ეს გივი ჩიქოვანის დუბლის თამადობით მოხერხდა. 3-2 და 3 ქულა საჯარო რეესტრს.

გარისი - მარშალის მატჩში 3 დუბლი ვიხილეთ. აქედან, ორი დუბლი მარშალის ბიჭებმა შეასრულეს, ამას გარისის ავტოგოლიც დაემატა და მარშალმა ნუგზარ გაჩეჩილაძის თაოსნობით 3 ქულა ჩაიწერა.

Close Game-ები არ წყდებოდა და ჯითისიმაც ერთგოლიანი უპირატესობით, 4-3 სძლია ბრიტანიას. ლავრელაშვილმა დუბლი შეასრულა, საუკეთესოდ დასახელდა და დაძაბულ ბრძოლაში ჯითისიმ იმარჯვა.