მასტერ ლიგა 3-ის მესამე ტური გლოვოსა და ქეი ეფ სის შორის მატჩით გაიხსნა. ორივე გუნდი წინა ტურის მოგებით ხვდებოდა ამ თამაშს, რაც უფრო საინტერესოს ხდიდა დაპირისპირებას. ინტრიგა გლოვომ მალევე გააქრო და მოწინააღმდეგეს 7 გოლი გაუტანა, რომელთაგან 3 ირაკლი ალიხანოვის ანგარიშზე იყო და მატჩის საუკეთესოდაც დასახელდა. გლოვომ წინა თამაშიც ფეერიულად, 9-0 მოიგო, პირველი ტური 4-1 და 9 ქულით ისინი ლიდერობენ ცხრილს.

ვახსენეთ გლოვოს გამარჯვება წინა ტურში და ეს გამარჯვება მათ მინისოსთან მოიპოვეს. მინისოს რეაბილიტაცია სჭირდებოდა, მაგრამ ამის საშუალება ვაკემ არ მისცა და 4-1, დამაჯერებლად მოუგო. პავლე კვიკვინიამ კი გუნდს დუბლით ულიდერა.

ბენროისა და დომსონს შორის დაპირისპირება წინა ორი მატჩისგან გასხვავებით, ძალიან დაძაბული გამოდგა. გუნდები სახიფათო მომენტებს და გოლებს უცვლიდნენ ერთმანეთს, ანგარიში 3-2 იყო დომსონის სასარგებლოდ და ბოლო წუთებზე ბენროი მთელი ძალებით გადავიდა შეტევაზე. სწორედ ამ დროს იჩინა თავი დომსონის მეკარემ, გიორგი ბახტაძემ და რამდენიმე ურთულესი სეივით აჩუქა გუნდს 3 ქულა, რისთვისაც სრულიად დამსახურებულად გახდა მატჩის საუკეთესო მოთამაშე.

შუნგიტი 2-ს წარუმატებელი სტარტის შემდეგ პოზიტიური მეორე ტური ჰქონდა და ეს დადებითი მუხტი მათ მესამე ტურამდეც მოიტანეს. საკმაოდ დაძაბულ ბრძოლაში შუნგიტმა დაამარცხა ჯოგა ბონიტო და საუკეთესოდ მთავარი გარდამტეხის შემტანი ლუკა ლომსაძე დასახელდა.

ლისი ლაიონსის პრაიდი გაჩერებას არ აპირებს, ისინი შესანიშნავად გამოიყურებიან და მესამე ტურიც არ იყო გამონაკლისი. ლომებმა 4-1 მოუგეს ფეიდეის, ერეკლე კილაძემ კი ბომბარდირობისკენ მორიგი ნაბიჯი გადადგა და ჰეთ-თრიკი შეუსრულა მოწინააღმდეგეს.

მორიგი დაძაბული დაპირისპირება შედგა ამბრისა და სკ.ირ-ს შორის. ამბრიმ დამაჯერებლად დაიწყო, თუმცა სკ.ირ-ის სახელგანთქმულმა შეუპოვრობამ თავისი გაიტანა და გოგრიჭიანის გოლით 2-1 სძლიეს მეტოქეს. ნიკა საუკეთესოდ დასახელდა, გუნდს კი პირველი 3 ქულა ჩაეწერა.

ლისი დეველოპმენტმა ორი მარცხით დაიწყო სეზონი და დრო იყო მათ ეს ნავსი გაეტეხათ. ამის გაკეთება მესამე ტურში, აგორას წინააღმდეგ გადაწყვიტეს და ძალიან დაძაბულ მატჩში, 3-2 სძლიეს მეტოქეს. სამივე გოლი მიქაელ იორამაშვილმა გაიტანა და დეველოპმენტმაც პირველი ქულები მოიპოვა.

ტავ ჯორჯიას უნაკლო სტარტი აქვს, მათ დამაჯერებლად მოიგოეს ორივე წინამორბედი დაპირისპირება, მაგრამ მესამე ტურში ნამდვილი ფეერიის დრო დადგა. ტავ ჯორჯიას ბიჭებმა 8 უპასუხო გოლი გაუტანეს სექტორ 27-ს. 8-დან 5 გოლი ომიკო შუბითიძის ანგარიშზე იყო. პენტატრიკი ომიკოს, მორიგი 3 ქულა ტავ ჯორჯიას.

ტავ ჯორჯიას დამაჯერებელ გამარჯვებას კვლავ დაძაბული მატჩი მოჰყვა. ვი არ იუნაიტედმა, ყველასთვის მოულოდნელად მძლავრი წინააღმდეგობა გაუწია დამაჯერებლად მოასპარეზე ბეთლაივს. გუნდები გოლებს ცვლიდნენ, სანამ ნიკა შანიძემ წერტილი დასვა და 3-2 დააფიქსირა. ნიკა საუკეთესოდ დასახელდა, ბეთლაივმა კი ფავორიტის სტატუსი მაინც გაამართლა.

ტური ადვოკატთა ასცოიაციასა და საბა კონსტრაქშენს შორის მატჩით დაიხურა. ეს თამაშიც ფრიად დაძაბული გამოდგა. ორივე გუნდს წარმატებული მეორე ტური ჰქონდა, თუმცა ადვოკატები მაინც ფავორიტებად ითვლებოდნენ. კონსტრაქშენმა კარგად ითამაშა, მაგრამ თემიდას შეგირდებმა მოახერხეს და მესამე გამარჯვებაც მოიპოვეს. ლაშა მდივანმა ჯერ ანგარიში გახსნა, შემდეგ კი გამარჯვების გოლიც გაიტანა და შედეგად 2-1, ლაშა საუკეთესო გახდა, ადვოკატებს კი 9 ქულა აქვთ.