საქართველოს Master Cup-ის ფარგლებში აღმოსავლეთ და დასავლეთ კონფერენციის 1/8 და 1/4 ფინალური მატჩები გაიმართა. უკლებლივ ყველა შეხვედრა დაძაბული და სანახაობრივი გამოდგა. თითოეული გუნდი თავგანწირვით იბრძოდა შემდეგ ეტაპზე გადასასვლელად და შეიძლება ითქვას, უშეღავათო ბრძოლებში ნამდვილად ღირსეულებმა დამსახურებულად გაიმარჯვეს.

აღმოსავლეთ კონფერენციის პირველ შეხვედრაში თბილისის მასტერ ლიგის ჩემპიონი SSPS დმანისის ასევე ჩემპიონ თხეროლს დაუპირისპირდა და დამაჯერებლად 10:5 იმარჯვა.

თბილისის მასტერ ლიგის მესამეადგილოსანი ბუდაპეშტი ბორჯომის რეგიონალური ლიგის გამარჯვებულ ყვიბისს შეხვდა, მატჩი ძალიან საინტერესოდ წარიმართა და ძირითადი დრო ფრედ 2:2 დასრულდა, პენალტების სერიაში კი ბორჯომელებმა 9:8 იმარჯვეს და შემდეგ ეტაპზე გავიდნენ.

თბილისის მასტერ ლიგის მეოთხეადგილოსანი სეუ ჩელენჯ ლიგის ჩემპიონ ინტერსპორტთან მოულოდნელად 1:4 დამარცხდა.

თბილისის მასტერ ლიგის ფინალისტი და მწვანე ჯგუფის ლიდერი იბერონი გორის  მგლებს შეხვდა. უშეღავათო ბრძოლაში ფრე 5:5 დაფიქსირდა, პენალტების სერიაში კი იბერონმა 4:3 იმარჯვა.

ლაგოდეხის გამარჯვებული აფენი დუშეთის ჩემპიონ ფასანაურს შეხვდა და 3:2 მოუგო.

რუსთავის ჭყონდიდელი ხაშურის გუნდ გალაქტიკოს დაუპირისპირდა და დიდი ანგარიშით 10:4 დაამარცხა.

2:1 მოუგო ყაზბეგმა დედოფლისწყაროელ ჩემპიონ ვარსკვლავებს.

დამაჯერებლად 6:1 იმარჯვა კასპის გენერალმა ნინოწმინდის განძასთან გამართულ დაპირისპირებაში.

რაც შეეხება 1/4 ფინალურ შეხვედრებს, დაძაბულობა და ლამაზი მომენტები აქაც მრავლად იყო.

სამწუხარო მარცხი განიცადა ყვიბისმა სსპს-თან. მიუხედავად იმისა, რომ ბორჯომელები 3:0 იგებდნენ გამოცდილმა თბილისურმა გუნდმა მატჩი სრულიად შემოატრიალა და საბოლოოდ 4:3 იმარჯვა.

3:1 დათმო შეხვედრა და გათამაშებას გამოეთიშა ყაზბეგი, რომელიც გენერალს ხვდებოდა.

აფენისა და ჭყონდიდელის დაპირისპირება ორივე გუნდის მრავალი მომენტის მიუხედავად 1:1 დასრულდა, საბოლოოდ კი პენალტების სერია ჭყონდიდელის სასიკეთოდ წარიმართა და 3:4 დაფიქსირდა.

დღის ჩატარებული მატჩებიდან ყველაზე ემოციური და სანახაობრივი იბერონისა და ინტერსპორტის  შეხვედრა გამოდგა. ჩელენჯ ლიგის გამარჯვებულმა გუნდმა ტოლი არ დაუდო გამოცდილ მასტერლიგელებს, რომელიც მატჩს იგებდა, მაგრამ იბერონმა მოახერხა და შეხვედრა წაგებას გადაარჩინა. საბოლოოდ, ფრე 2:2 დაფიქსირდა, 8 მეტრიანების სერიაში კი დებიუტანტმა ინტერსპორტმა 8:9 გაიმარჯვა.

ფინალური ეტაპის 4 გუნდიან პლეი-ოფში, საიდანაც 3 გამარჯვებული უნდა გამოვლენილიყო,  SSPS ინტერსპორტს შეხვდა, ჭყონდიდელი კი გენერალს დაუპირისპირდა. ჩელენჯის გამარჯვებული ინტერსპორტი კვლავ ფანტასტიურად გამოიყურებოდა და თბილისის მასტერის ჩემპიონ სსპს-ს 6:3 მოუგო.

3:1 იმარჯვა გენერალმა ჭყონდიდელთან გამართულ შეხვედრაში. საბოლოოდ კი სსპს-მ ჭყონდიდელი 6:3 დაამარცხა და გენერალთან და ინტერსპორტთან ერთად მასტერ ქაფის ფინალური ეტაპის საგზური მოიპოვა.

რაც შეეხება დასავლეთ კონფერენციის მატჩებს - 1/8 ფინალში 2:6 დამარცხდა „სამაჩაბლო“ ქობულეთის შახტიორთან. 1:2 წააგო ოზურგეთის საძმომ ბათუმის რიოსთან. 0:5 დამარცხდა წალენჯიხის ლაკადა სამტრედიის ნახალოვკასთან. 4:1 იმარჯვა რაჭის მუხლმა ბათუმის ტერმინალთან. 2:3 წააგო ხობის კოხეთმა წყალტუოსთან. 0:3 დათმო შეხვედრა ქუთაისის კახიანოურმა ფოთის ჭაბონამასთან. დიდი ანგარიშით 9:3 გაიმარჯვა გურიამ ლენტეხთან მატჩში. 2:7 წააგო ჩხოროწყუს ზუმმა  საჩხერის ჯალაურთასთან.

1/4 ფინალში 1:0 დასრულდა წყალტუბოსა და ჭაბონამას დაპირისპირება. 2:3 დამარცხდა ჯალაურთა ნახალოვკასთან. 2:5 დათმო მატჩი შახტიორმა რიოსთან. 5:0 ტექნიკური  მოგება ჩაეთვალა გამოუცხადებლობის გამო გურას, რომელიც მუხლს უნდა შეხვედროდა.

საბოლოოდ, კაჭრეთის „ამბასადორში“ გასამართ ფინალურ ეტაპზე წყალტუბო, ნახალოვკა, რიო და გურია ითამაშებენ.