მასტერ ლიგაზე დასკვინით IX ტურის შემდეგ რეგულარი ჩემპიონატი ამოიწურა და შედეგად ორივე ჯგუფის ჯამში საუკეთესო 8 გუნდი პლეი-ოფში გავიდა. მწვანე ჯგუფში პირველი ადგილი დაიკავა იბერონმა, მას მოყვება თბილისის მერია, მესამეზეა სეუ, ოთხეულს კი IFK-ანაგი ხურავს. ლურჯი ჯგუფის ლიდერი გახლავთ SSPS, მეორე პოზიციას იკავებს ამბასადორი, მესამეა ბუდაპეშტი და მეოთხე ადგილზე გავიდა მანტისი. 

7-8 ნოემბერს ხსენებული საჩემპიონო ფლეი-ოფები გაიმართა. პირველი დაპირისპირება თბილისის მერიასა და ბუდაპეშტს შორის შედგა და კახი კალაძის დუბლისა და ნიკოლოზ გაბრიჩიძის გოლით მერიამ 3:0 მოიგო.

მიუხედავად პირველი მოგებული თამაშისა, არაფერი ჰქონდა განაღდებული თბ. მერიას და ეს მეორე შეხვედრაში დამტკიცდა, როცა ჯეჯო ჯალიაშვილის დუბლითა და ილია თოლორდავას გოლებით შეხვედრა წააგო და გათამაშებას გამოეთიშა. კახი კალაძის ერთადერთმა გოლმა მატჩი ვერ გადაარჩინა. საბოლოოდ 3:1 დაფიქსირდა. არსებული ანგარიშიდან გამომდინარე დაინიშნა 8 მეტრიანების სერია, რომელიც ბუდაპეშტის დამაჯერებელი გამარჯვებით 1:4 დასრულდა და საფინალო ბრძოლაშიც ბუდაპეშტი დარჩა.

მიხეილ კენჭაძისა და გიორგი ბაგალიშვილის დუბლებით 4:3 იმარჯვა SPS-მ IFK-ანაგთან. დამარცხებულთაგანგ ილია გადელია, გიორგი ბოჭორმელი და თორნიკე ბახტაძე გამოირჩნენ.

განმეორებით შეხვედრაში, რომელიც ძალიან დაძაბული გამოდგა ანაგი შესანიშნავად გამოიყურებოდა. მთელი თამაშის განმავლობაში ფლობდნენ უპირატესობას და საუკეთესო ფორმაში მყოფ გიორგი ბაგალიშვილსაკ კი არ აძევდნენ თავისუფლად მოძრაობის საშუალებას, თუმცა მატჩის მიწურულს გუნდი მოეშვა, ამით კი ბუნებრივია ისარგებლა სსპს-მ და ლაშა ხომასურიძის, გიორგი ბაგალიშვილისა ბადრი ტეტუნაშვილის გოლებით შეხვედრა 2:3 მოიგო და მნიშვნელოვანი გამარჯვება მოიპოვა. ანაგიდან გიორგი ბოჭორმელისა და გიორგი ლუკავას გოლები გავიდა.

1:1 დაფიქსირდა დღის მეორე მატჩში, სადაც იბერონი და მანტისი თამაშობდნენ. იბერონიდან გოლებით შოთა უშარაულმა მანტისიდან კი ვასილ აფციაურმა გამოიჩინეს თავი.

განმეორებით დაპირისპირებაში, გუნდებმა უშეღავათო ბრძოლა წარმართეს, თავდაუზოგავად იბრძოლა თითოეულმა ფეხბურთელმა, იყო ტრავმებიც და ბევრი ლამაზი ეპიზოდი. საბოლოოდ კი გამოცდილმა იბერონმა რევაზ ინჯგიასა და გიორგი მოდებაძის გოლებით 2:1 მოიგო. როსტომი ციცქიშვილის გატანილი გოლი კი მანტისისთვის საკმარისი ვერ აღმოჩნდა.

დასანანი მარცხი განიცადა ამბასადორმა სეუსთან გამართულ შეხვედრაში. მატჩის მიწურულს გატანილი გოლით სეუმ 4:3 მოიგო. გამარჯვებულთაგან გოლები ოთარ ქუხალეიშვილმა, სერგი მაჭარაშვილმა, ნიკა მანგოშვილმა და გიორგი ბიბილეიშვილმა ჩაიწერეს საკუთარ აქტივში. ამბასადორიდან კი გიორგი კაჭკაჭიშვილმა (დუბლი) და ზაზა კობახიძემ გაიტანეს.

რადიკალურად სხვა თამაში ითამაშა განმეორებით შეხვედრაში სეუმ, რომლის წინააღმდეგაც ვერაფერს გახდა ამბასადორი და შეხვედრა დიდი ანგარიშით 5:1 წააგო. რაც შეეხება გოლებს, სეუდან ზურა ფიჩხაძემ (დუბლი), სერგი მაჭარაშვილმა, ნიკა მანგოშვილმა და დავით ჯავახიშვილმა გაიტანეს. ამბასადორიდან კი ერტადერთი გოლი გიორგი კაჭკაჭიშვილის ანგარიშზეა.

საბოლოოდ გაირკვა, რომ თბილისის მასტერ ლიგის საჩემპიონო პლეი-ოფის 1/4 ფინალი გადალახა SSPS-M, რომელიც ლიგის საჩემპიონო პლეი-ოფის ნახევარფინალში ბუდაპეშტს დაუპირისპირდება, სეუ კი იბერონთან გაარკვევს ურთიერთობას.