ხშირად დასმული კითხვები

- რა არის მასტერ ლიგა?

მასტერ ლიგა არის სამოყვარულო საფეხბურთო ჩემპიონატი, სადაც თამაში მიმდინარეობს 7x7-ზე, 1 მეკარისა და 6 ფეხბურთელის მონაწილეობით. ყველა მუნიციპალიტეტს აქვს საკუთარი მასტერ ლიგა, ხოლო თბილისში შექმნილია 3 რანგის ლიგა: მასტერ ლიგა, მასტერ ლიგა 2 (ყოფილი ჩელენჯ ლიგა), მასტერ ლიგა 3.


- როგორ მივიღოთ ჩემპიონატში მონაწილეობა?

საქართველოს რეგიონებისათვის, გარდა თბილისისა, ჩემპიონატში მონაწილეობა სრულიად უსასყიდლოა. ჩემპიონატში მონაწილეობისათვის აუცილებელია, გუნდმა შეავსოს განაცხადის ელექტრონული ფორმა და მოთამაშეთა პირადობის მოწმობების ასლებთან ერთად გადმოაგზავნოს ასოციაციის ელ. ფოსტაზე ან წარადგინოს საკუთარი მუნიციპალიტეტის მერიის/გამგეობის სპორტის სამსახურში. რაც შეეხება თბილისს, მონაწილე გუნდმა აუცილებელია გადაიხადოს საწევრო გადასახადი. გუნდს აუცილებლად უნდა გააჩნდეს ერთი ძირითადი სათამაშო ფორმა(გამაში, გეტრი, მაისური) და ერთიც განსხვავებული ფერის მაისური. გუნდი უნდა შედგებოდეს არანაკლებ 14 და არაუმეტეს 20 მოთამაშისგან, მათ შორის სავალდებულოა 2 მეკარე.


- ვის შეუძლია ჩემპიონატში მონაწილეობა და რა ასაკია განსაზღვრული? 

თბილისის ლიგებში (მასტერ ლიგა, ჩელენჯ ლიგა, პროგრეს ლიგა) მონაწილე გუნდის განაცხადში შეყვანილი ფეხბურთელის ასაკი განისაზღვრება 18 წლიდან, ხოლო სხვა მუნიციპალურ მასტერ ლიგებში - 16 წლიდან. 

მონაწილე გუნდებს უფლება არ აქვთ განაცხადში შეიყვანონ პროფესიონალი ფეხბურთელი. პროფესიონალად ითვლება ფეხბურთელი, პროფესიონალად ითვლება ფეხბურთელი, რომელიც „MASTER LEAGUE“-ს მონაწილე გუნდების რეგისტრაციის დასრულებისას ირიცხება საქართველოს ეროვნული - 1, ეროვნული - 2, რანგით მე-3 ლიგაში, რანგით მე-4 , რანგით მე-5 ლიგაში, ჭაბუკთა ლიგაში მოასპარეზე გუნდში ან მონაწილეობას იღებს რომელიმე ასაკობრივ ჩემპიონატში , ასევე ფუტსალის უმაღლეს ლიგაში და ფუტსალის მეორე ლიგაში მოასპარეზე გუნდში.     

ყოფილი პროფესიონალი ფეხბურთელის განაცხადში შეყვანა აკრძალულია, თუ მისი შრომითი ხელშეკრულება არ არის ამოწურული 2020 წლის 31 დეკემბრამდე. (ანუ თუ ფეხბურთელს კლუბთან კონტრაქტი გაფორმებული ქონდა 2021 წლის 10 იანვრამდე -ის არ შეიძლება იყოს განაცხადში შეყვანილი)


- რა სისტემით ტარდება ჩემპიონატი?

მასტერ ლიგის მონაწილე გუნდები ჩემპიონატის პირველი ეტაპის მატჩებს გამართავენ წრიული სისტემით 1 წრედ.

თანაბარი ქულების დაგროვების შემთხვევაში, გუნდებს უპირატესობა მიენიჭებათ შემდეგი პრიორიტეტების რიგითობის მიხედვით:

უშუალოდ ურთიერთშეხვედრის შედეგი;

გატანილი და მიღებული ბურთების უკეთესი სხვაობა;

მოგებათა მეტი რაოდენობა;

გატანილი გოლების მეტი რაოდენობა;

გაშვებული გოლების ნაკლები რაოდენობა;

თუ გუნდების ეს მაჩვენებელიც თანაბარი აღმოჩნდება, ჩატარდება გადათამაშება ერთი მატჩით. გადათამაშების ძირითადი დროის ფრედ დასრულების შემთხვევაში, დაინიშნება 8 მეტრიანი საჯარიმო დარტყმები


- არის თუ არა განსაზღვრული ფულადი პრიზები?

თბილისის MASTER LEAGUE I ადგილი - 5 000 - ლარი;

თბილისის MASTER LEAGUE II ადგილი - 2 500 - ლარი;

თბილისის MASTER LEAGUE II ადგილი - 1 500 - ლარი;


CHALLENGE LEAGUE I ადგილი -2 000 -ლარი

CHALLENGE LEAGUE II ადგილი -1 000 -ლარი


საქართველოს MASTER CUP I ადგილი - 10 000 - ლარი;

საქართველოს MASTER CUP II ადგილი - 5 000- ლარი;

საქართველოს MASTER CUP III ადგილი - 3 000- ლარი.


ქალთა MASTER LEAGUE I ადგილი - 2 500 - ლარი;

თბილისის MASTER LEAGUE II ადგილი - 1 500 - ლარი;

თბილისის MASTER LEAGUE II ადგილი - 1 000 - ლარი;