თბილისის მასტერ ლიგაზე დასკვინით IX ტურის მატჩები გაიმართა.  მერიის უსაფრთხოება გარეჯს უნდა შეხვედროდა, თუმცა მატჩი ამ უკანასკნელის გამო არ ჩატარდა და 5:0 ავტომატურად მერიას მოგება ჩაეთვალა. ასევე არ გამოცხადდა კვარტალი იბერონთან გასამართ მატჩში და აქაც 5:0 დაფიქსირდა. დღის ერთადერთი შეხვედრა SSPS-სა და ტიბიას შორის შედგა და როგორც მოსალოდნელი იყო, ფავორიტი სსპს-ს გამარჯვებით 12:3 დასრულდა. კვლავ საუკეთესო იყო გიორგი ბაგალიშვილი, რომელმაც შეხვედრაში 8 გოლის გატანა მოახერხა. დუბლი გაიფორმა ბადრი ტეტუნაშვილმა, თითო გოლი კი გიორგი ცაავამ და გიორგი ჭვრიტიძემ გაიტანეს.

4:7 წააგო ბასიანმა ბუდაპეშტთან. გამარჯვებულთაგან პენტატრიკი შეასრულა წინა წლის საუკეთესო ფეხბურთელმა ჯეჯო ჯალიაშვილმა, დუბლი გაიფორმა ლუკა სახვაძემ. ბასიანიდან ლუკა დარჯანია, არჩილ გაბელია, ლადო ხიდეშელი და დავით ბარნაბიშვილი გამოირჩნენ.

მორიგი შეხვედრა სეუსა და  საჯარო რეესტრს შორის შედგა და 4:2 დასრულდა. სეუდან გოლის ავტორები გახდენ გიორგი ნერგაძე, გიორგი ბიბილეიშვილი, სერგი მაჭარაშვილი და ნიკა ბულისკირია. რეესტრელთაგან დავით გუჯაბიძემ და ოთო ხუციშვილმა გაიტანეს.

საოცრად დაძაბული და სანახაობრივი მატჩი გამოვიდა GRASROOT -სა და IFK-ანაგს შორის, რომელიც საბოლოოდ IFK-ს გამარჯვებით 5:6 დასრულდა. დუბლი შეასრულეს კახაბერ კეკოშვილმა და ალექსანდრე შენგელიამ, თითო გოლი კი ილია გადელიამ და თორნიკე ჯანელიძემ გაიტანეს. გრასრუტიდან ალექსანდრე ამისულაშვილის (დუბლი), გაგა ჯაფარიძის (დუბლი) და დავით სირაძის გოლები ვიხილეთ.

მინიმალური სხვაობით 1:2 დამარცხდა აფხაზეთი მანტისის წინააღმდეგ გამართულ მატჩში. დუბლი გაიფორმა როსტომ ციცქიშვილმა, ერთიც ავტო-გოლი გავიდა.

6:4 მოუგო ამბასადორმა ზოომარტს. ჰეთრიკი შეასრულა ედგარ კაზარიანმა, ასევე გაიტანეს გიორგი მირაქველიძემ, დიმიტრი ჩერნიშოვმა და ლაშა სილაქაძემ. ზოომარტიდან ვალერიან ამირანიძე, ირაკლი სიხარულიძე და გიორგი ყაზარაშვილი (დუბლი) გამოირჩნენ.

დიდი ანგარიშით 13:3 იმარჯვა მთაწმინდამ ბენე სპორტის წინააღმდეგ გამართულ დაპირისპირებაში. პოკერი ჩაიწერა საკუთარ აქტივში ლაშა ჯოხაძემ, ჰეთრიკი გაიფორმა გიორგი ბერიაშვილმა, დუბლი გააკეთა გიორგი რუსიძემ, თითო გოლი კი ნიკა ფირცხალავას, გიორგი კვირკველიას, დავით მოისწრაფიშვილის და ლაშა ნინიკაშვილის ანგარიშზეა. ბენე სპორტიდან ზურა აბესაძის დუბლი და გიორგი მამალაძის გოლი გავიდა.

ტურის ბოლო შეხვედრა თბილისის მერიასა და ირაოს შორის გაიმართა და 8:3 დასრულდა. გამარჯვებულთაგან ჰეთრიკი შეასრულა ნიკოლოზ გაბრიჩიძემ, დუბლის ავტორები გახდნენ მიხეილ თოფურია და ლევან ჩიხრაძე, ერთიც გივი კვარაცხელიამ გაიტანა. ირაოდან ლევან ჟვანიასა და ნიკოლოზ დადიანის გოლები გავიდა.

მატჩის საუკეთესოები გახდენენ: სერგი მაჭარაშვილი (სეუ), მიხეილ პაპიაშვილი (ანაგი), ჯეჯო ჯალიაშვილი (ბუდაპეშტი), რატი ციცქივილი (მანტისი), ლაშა ჯოხაძე (მთაწმინდა), ედგარ კაზარიანი (ამბასადორი), ნიკოლოზ გაბრიჩიძე (თბ.მერია). ფეხბურთელები მასტერ ლიგის მხარდამჭერი კომპანია ესტრელასგან ტრადიციულად სპეც. პრიზით დაჯილდოვდნენ.

აღნიშნული თამაშებით მასტერ ლიგის რეგულარული ჩემპიონატი ამოიწურა და შედეგად ორივე ჯგუფის საუკეთესო 8 გუნდი ფლეი-ოფში გავიდა. მწვანე ჯგუფში პირველი ადგილი არავის დაუთმო იბერონმა, მას მოყვება თბილისის მერია, მესამეზეა სეუ, ოთხეულს კი IFK-ანაგი ხურავს. ლურჯი ჯგუფის ლიდერი გახლავთ SSPS, მეორე პოზიციას იკავებს ამბასადორი, მესამეა ბუდაპეშტი და მეოთხე ადგილზე გავიდა მანტისი.

აღსანიშნავია, რომ ორივე ჯგუფის ბოლო მეცხრე და მეათე ადგილოსნები შემდეგი წლიდან რანგით დაბალ - ჩელენჯ ლიგაში დაქვეითდებიან. მეშვიდე და მერვე ადგილზე გასული გუნდები კი ჩელენჯის მეორე-მესამე ადგილზე გასულებს შეხვდებიან და სწორედ ამის შედეგად გაირკვევა 2021 წელს რომელი 18 გუნდით დაკომპლექტდება მასტერ ლიგა.