10-11 ოქტომბერს ჩელენჯ ლიგის მეშვიდე ტურის თამაშები შედგა. მზიურის მინი სტადიონზე პირველი შეხვედრა TTC-სა და ვაზისუბანს შორის გაიმართა, მატჩი 3:6 დასრულდა. გამარჯვებულთაგან ულამაზესი მაკრატელათი გაიტანა ლაშა გურგენიძემ, რომელსაც კიდევ ერთი გოლი დაამატა და დუბლი გაიფორმა. ასევე გაიტანეს ირაკლი ბურჭულაძემ, ვიტალი უზოევმა, კახა ტოგონიძემ და გიორგი გაგუამ. TTC-დან გიორგი ბერიშვილი (დუბლი) და ბექა ბუცხრიკიძე გამოირჩნენ.

12:3 მოუგო ცხოველთა მონიტორინგმა მეგობრებს. კარგად გაისარჯნენ და პოკერი შეასრულეს ზაზა ხურციძემ და ირაკლი ბაჯელიძემ. ასევე გოლები ეკუთვინთ  გიორგი მჭედლიშვილმა, ლევან ქავთარაძემ, ლევან ღლონტმა და გირგი თეთრაძემ. მეგობრებიდან ნიკოლოზ ლიპარიშვილის (დუბლი) და ალეკო ცირეკიძის გოლები ვიხილეთ.

adjarasport-სა და FC IR-ს შორის გამართული დაპირისპირება სტუმრების გამარჯვებით 3:6 დასრულდა. მოგებულთაგან ჰეთრიკი შეასრულა აბელ ხაინდრავამ, დუბლი გაიფორმა ენაკა ვალერიმ, ერთიც ემირაჯიმ ჯოეის ანგარიშზეა. აჭარასპორტის რიგებში ლევან შარაშიძემ (დუბლი) და ლევან გოთუამ გამოიჩინეს თავი.

1 ქულიანი სხვაობით 4:5 წააგო ბრიტანიამ CRYSTALBET-თან გამართული მატჩი. აღსანიშნავია, რომ კრისტალბეთი გადახალისებული შემადგენლობით და ახალი ძალებით ასპარეზობს, რაც ანგარიშებზეც დადებითად აისახება. გოლები გაიტანეს დავით მაკარაძემ (დუბლი), ზურაბ მაკარაძემ, ნადიმი კახაძემ და ირაკლი შავლიაშვილმა. ბრიტანიადან მიშო იორამაშვილის დუბლი ვიხილეთ, ასევე ბექა ყარსიმაშვილი და გივი შილაკაძე გამოირჩნენ.

ძალიან კარგი მატჩი გამოდგა და დიდი ანგარიშით 12:6 მოუგო სპარტამ საბურთალოს. შესანიშნავად ითამაშა თორნიკე ჩუბითიძემ, ახალგაზრდა ფეხბურთელმა 6 გოლის გატანა მოახერხა. ჰეთრიკი შეასრულა დავით ოჯოიანმა, დუბლი გაიფორმა გენკა კალანდაძემ, ერთიც გოლიც დიმიტრი არჩვაძის ანგარიშზეა. საბურთალოს რიგებში კი უტა მაღლაფერიძემ (ჰეთრიკი), არჩილ კიკოლაშვილმა (დუბლი) და გიორგი გამყრელიძემ გაიტანეს.

5:7 დასრულდა SALLER-სა და ინტერსპორტის დაპირისპირება. გამარჯვებულთა რიგებში ჰეთრიკი შეასრულა გიორგი ფირანიშვილმა, ერეკლე ხაჭვანი და გიორგი ალავიძე კი დუბლით გამოირჩნენ. სალერიდან გოლები გაიტანეს ზურაბ კბილაძემ (ჰეთრიკი), ნიკა ახობაძემ და შაკო ალხანიშვილმა.

4:8 დამარცხდა ვიჯი ტექნო არმიასთან. კვლავ კარგად ითამაშა ირაკლი ლატარიამ და დუბლიც ჩაიწერა საკუთარ აქტივში, ასევე დუბლი გააკეთა ენრი ჩადუნელმა. თითო გოლი კი ბაკურ ნანეიშვილს, ირაკლი ცომაიას, ლაშა ფოფხაძეს და დავით კოხრეიძეს  ეკუთვნის. ვიჯი ტექნოდან ლევან ჩუტკერაშვილის, თორნიკე მჭედლიძის, თაზო ასლანიშვილისა და ები აჰი ჯუნიორის გოლები ვიხილეთ.

დამაჯერებლად 6:1 მოუგო 7 კოდმა თბილსერვისს. გოლები ალექსანდრე მაჩიტიძემ (დუბლი), ალექსანდრე მურუსიძემ, კონსტანტინე სახეჩიძემ, გიორგი კერატაშვილმა და ანზორ ბერიძემ გაიტანეს. პრესტიჟის ერთადერთი გოლი კი ნიკა ენუქიძის აქტივშია.

4:2 დასრულდა E.F.A-სა და ჰერმესის შეხვედრა. ლუკა ქევხიშილმა დუბლი ჩაიწერა საკუთარ ანგარიშზე, თეოდორ ვაზირფურმა და ლაშა რაზმაძემ კი გუნდს თითო გოლი შესძინეს. ჰერმესიდან თორნიკე ალიხანოვმა და გიორგი დავითნიძემ გაიტანეს.

მინიმალური სხვაობით, ანგარიშით 5:4 მოუგო ჯითისიმ HIPP-ს. გამარჯვებულთაგან ნიკუშა ჟღენტის (ჰეთრიკი), დავით კაკუბერის და ნიკა მაქაცარიას გოლები გავიდა. ჰიპიდან გოლები გაიტანეს გიორგი კვესელავამ, გიორგი გოგოლაშვილმა, გიორგი კირვალიძემ და გიორგი ნარსიამ.

PERSIS FC  SPERA-ს დაუპირისპირდა და 8:1 დაამარცხა. გოლები მოჰამად ესფაჰანის, საიდ იოსელიანის (დუბლი), ომიდ მაჰმუდიანის (დუბლი) ლევან კინწურაშვილის (დუბლი) და მატინ ერფანიანის ანგარიშზეა. ერთადერთი საპასუხო გოლი კი ლაშა ტერაშვილს ეკუთვნის.

4:1 მოუგო 7x7 TEAM-მა FEYDAY-ს. გამარჯვებულთაგან გოლი გაიტანა გუნდის კაპიტანმა ლაშა ჩალაძემ, ასევე თითო გოლის ავტორები გახდნენ ნიკოლოზ ვაწაძე, ნიკოლოზ გორდულაძე და დავით შუბითიძე. ფეიდეიდან მიშო გელოვანმა გამოიჩინა თავი.

ლურჯი ჯგუფის ლიდერები არიან არმია, ვიჯი ტექნო და ჯითისი, რომლებსაც შესაბამისად 21, 15 და 15 ქულები დაუგროვდათ. მწვანე ჯგუფის პირველი სამეულს ინტერსპორტი, სპარტა და ვაზისუბანი წარმოადგენს. გუნდებს 21,18 და 18 ქულები გააჩნიათ.

32 გოლი გაიტანა და ჩელენჯ ლიგის ბომბარდირებს სათავეში უდგას თორნიკე ჩუბითიძე. მას მოყვება 22 გოლით ირაკლი ლატარია. სამეულს კი ვიტალი უზოევი ხურავს, რომელსაც ამ დროისთვის 16 გოლი აქვს გატანილი.

რაც შეეხება მეშვიდე ტურის საუკეთესოებს, ესენი გახდნენ: ლაშა გურგენიძე (ვაზისუბანი), თორნიკე ჩუბითიძე (სპარტა), აბელ ხაინდრავა (FC IR), ზაზა ზურციძე (ცხოველთა მონ.), ზურაბ მაკარაძე (კრისტალბეთი), ლუკა ქევხიშვილი (E.F.A), კახა კუჭავა (7x7 TEAM), ენრი ჩადუნელი (არმია), ერეკლე ხაჭვანი (ინტერსპორტი), Saeid Youseliani (PERSIS FC), ნიკუშა ჟღენტი (ჯითსი), კონსტანტინე მაჩიტიძე (7 კოდი). თითოეული მათგანი მასტერ ლიგის მხარდამჭერმა კომპანია ვიტამინმა სპეციალური პრიზით დააჯილდოვა.