მასტერ ლიგა 3-ის მეექვსე ტურს ადვოკატთა ასოციაცია მეორე ადგილით ხვდებოდა და ლისი დეველოპმენტთან ძალიან მნიშვნელოვანი მატჩით გაიხსნა კიდეც სათამაშო დღე. გუნდები გარდამავალი უპირატესობით თამაშობდნენ, ადვოკატები 3-2-საც კი იგებდნენ მეორე ტაიმის მეორე ნახევრისთვის, თუმცა ლისი არ დანებდა და მოუტრიალა ანგარიში თემიდას შეგირდებს. მიქაელ იორამაშვილი დუბლით გამოირჩა და ლისი უკვე მერვე პოზიციაზეა.

გლოვო აგორასთან შეხვედრას ფავორიტის სტატუსით ხვდებოდა, თუმცა მატჩი მოულოდნელად ძალიან დაძაბული აღმოჩნდა და მძიმე ტემპშიც წარიმართა. ჭოლაძის და ივანიშვილის გოლებს, გლურჯიძემ ერთით უპასუხა, 2-1, ნაბრძოლი 3 ქულა გლოვოს, აგორა კი ისევ ერთი მოგებითაა.

იმავე სცენარით განვითარდა შემდეგი დაპირისპირებაც, რომელშიც ტავ ჯორჯია აშკარა ფავორიტად ითვლებოდა სკ.ირ-თან. სკ.ირ ორჯერ იყო წინ მატჩის მიმდინარეობისას და რომ არა ომიკო შუბითიძის დუბლი, ტავ ჯორჯიას სავსებით შეეძლო დაეკარგა კიდეც ქულები. საბოლოოდ, 3-2 და 6 ტურში 5 გამარჯვება ტავ ჯორჯიას.

დაძაბული თამაშების სია უფრო გაიზარდა მინისოს და სექტორ 27-ს შორის მატჩით. მინისო ბოლო ადგილზეა და გუნდს გოლების გატანა ძალიან უჭირს, თუმცა სექტორ 27-ს მათ 3 ბურთი გაუტანეს და რაღაც პერიოდი იგებდნენ კიდეც, თუმცა სექტორმა სამართებლის პირზე უკეთ გაიარა და 4-3 მოუგო მეტოქეს. ტარიელ დოლიძე დუბლით გამოირჩა.

ერთგოლიანი მოგებების სერია გაგრძელდა და დომსონმაც 3-2 სძლია ფეიდეის. გოგუამ და კანდელაკმა დუბლები გაცვალეს, თუმცა გამარჯვების მომტანი გოგუას დუბლი აღმოჩნდა. ფეიდეის 2 მოგება დარჩა, დომსონი კი მე-9 ადგილზეა 10 ქულით.  ქულა საბას, 6 ადგილი ჯოგა ბონიტოს.

ამბრი პოზიტიური ნოტით ხვდებოდა KFC-სთან მატჩს და ეს მუხტი მათ ბოლომდე შეინარჩუნეს. ალექსანდრე ხოჭოლავას დუბლი საკმარისი არ აღმოჩნდა ამბრის 3 გოლის წინააღმდეგ და გუნდმა ზედიზედ მეორე გამარჯვება მოიპოვა, ისინი 9 ქულით მეათე პოზიციაზე არიან, KFC-ს კი ისევ ერთი მოგება აქვს.

ძალიან დაძაბული გამოდგა ბენროისა და We are United-ს შორის მატჩი, რომელშიც გუნდები გოლებს უცვლიდნენ ერთამანეთს, სანამ ბენროიმ არ იმარჯვა და 4-3 დააფიქსირა. გუნდს უკვე 9 ქულა აქვს, იუნაიტედი კი ჯერჯერობით მხოლოდ ერთი მოგების ამარა არის.

ლისი ლაიონსს მეხუთე ტურში უსიამოვნო ფრე ხვდა წილად და პრინციპულ მტჩში ვაკის წინააღმდეგ, მათ რეაბილიტაცია ესაჭიროებოდათ. სხვა აზრზე იყო ვაკე და ტურნირის ერთ-ერთ ლიდერს 4-1 მოუგო. ვაკემ პირველზე გადაინაცვლა 16 ქულით, ლისის ლომებს კი 3 ქულით ნაკლები აქვთ და მეოთხე ადგილს იკავებენ.

შუნგიტი 2-სა და ბეთლაივს შორის მატჩი ტურის სახალისო ფინიშად იქცა, რადგან გუნდებმა ჯამში 11 გოლი გაიტანეს. ბეთლაივის უამრავი ნიკადან ერთ-ერთმა, ნიკა ხომერიკმა პოკერი შეუსრულა შუნგიტს. 7-4 მასტერლიგის გენერალური სპონსორის სასარგებლოდ, ისინი ხუთეულში შევიდნენ, ლიგის ახალი სპონსორი შუნგიტი კი ერთი ქულით და 2 პოზიციით უკანაა.