მასტერ ლიგა 2-ის მეშვიდე ტური 26 ივნისს, პირველ და მეორე ადგილოსან კრწანისსა და ბლექ სთარს შორის დაპირისპირებით გაიხსნა. კრწანისი ერთი ქულით წინ იყო და მათ შორის დაპირისპირებას შესაძლოა სატურნირო მდგომარეობა შეეცვალა, თუმცა ყველასთვის მოულოდნელად ეს მატჩი უგოლო ფრით დასრულდა და გუნდებს შორის სხვაობა უცვლელი დარჩა, თუმცა ტურის მიმდინარეობისას მათ 3-ე და 4-ე ადგილებზე გადმოინაცვლეს.

ტტც ერთ-ერთი ის გუნდი იყო, რომელმაც ორ ლიდერს გაასწრო ამ ტურში და მათ ეს მარშალთან გამარჯვების ხარჯზე მოახერხეს. მატჩი დაძაბულ ბრძოლაში მიმდინარეობდა და საბოლოოდ 2-1 ტტც-მ მოიგო, გიგა გიგაურის გამარჯვების გოლის წყალობით.

საჯარო რეესტრი ფავორიტის ამპლუაში ხვდებოდა გარისთან დაპირისპირებას და მიუხედავად პირველ ტაიმში შედარებით თანაბარი თამაშისა, რეესტრმა თამაშის სადავეები საბოლოოდ იგდო ხელთ მეორე ნახევარში, დაამრცხა მეტოქე ანგარიშით 7-2 და გაიმყარა ლიდერობა სატურნირო ცხრილში. საუკეთესო მოთამაშედ ამირან ალადაშვილი დასახელდა, გარისი კი ჯერჯერობით მაინც ინარჩუნებს ადგილს ათეულში, ისინი მეცხე პოზიციაზე იმყოფებიან.

ძველ თბილისს მიმდინარე სეზონში ჯერ გამარჯვება არ მოუპოვებია და ამისკენ პირველი ნაბიჯი მათ თბილსერვისთან მატჩში გადადგეს. ლაშა შუბლაძემ გახსნა ანგარიში და მისი გუნდი პირველი ტაიმის ბოლომდე ლიდერობდა, სანამ ელდარ გვასალიამ და შოთა ჯიშკარიანმა გაიტანეს და ამის შემდეგ თბილსერვისს უკან აღარც დაუხევია. ჯიშკარიანმა ულამაზესი ჰეთ-თრიკი შეასრულა: საჯარიმოდან, სამსვლიანი კომბინაციის შემდეგ და ბოლო მაკრატელა დარტყმით. 5-2 თბილსერვისის სასარგებლოდ და ისინი 9 ქულით მე-11 პოზიციაზე არიან.

შემდეგ მატჩში Comeback-ის დროც დადგა - ჯითისი 2-0-ს უგებდა სფერას, თუმცა სფერას შეგირდები არ დანებდნენ და მატჩის მიწურულს ზედიზედ ორი ბურთი გაუტანეს მეტოქეს, აქედან გამარჯვების გოლი ცოტნე ქინქლაძემ ჩაიწერა, გახდა კიდეც საუკეთესო მოთამაშე და გუნდს მნიშვნელოვანი გამარჯვება მოუტანა, სფერა მე-6 პოზიციაზე 16 ქულით, ჯითისი კი მე-12, 7-ით.

კიდევ ერთი ძალიან დაძაბული მატჩი ვიხილეთ კროკობეთსა და ვაზისუბანს შორის. თამაში გარდამავალი უპირატსობით მიმდინარეობდა. ბოლოს, როცა ყველაფერი კროკობეთის გამარჯვებას მოასწავებდა და 3-2-ს იგებდნენ, მუშკუდიანმა კი ყველაფერი მოიგერია, ზედიზედ ორი გოლი მიიღეს და ვაზისუბანმა საოცარი გამარჯვება მოიპოვა. ვაზისუბანი ხუთეულშია, კროკობეთი ჯერჯერობით მე-7-ზე.

მეგობრებს ბრიტანიასთან თამაშის წინ მხოლოდ წაგებები ჰქონდა და გუნდს მოგება ძალიან სჭირდებოდა. თავის მხრივ არც ბრიტანიას საქმეა კარგად, რადგან მათ მხოლოდ 3 ქულა ჰქონდათ 26 ივნისამდე. ბესიკ ჭუმბურიძემ გახსნა და გიორგი ჭრელიშვილმა თითო გოლი გაუტანეს ბრიტანიას და ქორიძის ერთი საპასუხო ბურთი საკმარისი აღარ აღმოჩნდა. პირველი 3 ქულა მეგობრებს.

ტურის დასკვნითი მატჩიც ძალიან დაძაბული და უხვგოლიანი გამოდგა. ცხოველთა მონიტორინგმა და საბურთალომ გოლების ცვენა გაცვალეს, თუმცა არჩილ კილოაშვილის შესანიშნავი თამაშით და მათე შარიას ჰეთ-თრიკით საბურთალომ 5-4 იმარჯვა მეტოქეზე და მეორე გამარჯვება მოიპოვა სეზონში. ცხოველთა მონიტორინგს კვლავ 3 ქულა დარჩა. 

სტატიის ავტორი: ანრი ფხაკაძე