თბილისის მასტერ ლიგა 3-ის მეხუთე ტური 10 ივნისს, შუნგიტი 2-სა და KFC-ის შორის მატჩით გაიხსნა. KFC-ის ურიგო სტარტი ნამდვილად არ აქვს ამ სეზონში, თუმცა შუნგიტი, როგორც ჩანს უფრო მოტივირებული იყო სატურნირო მდგომარეობის გამოსწორებით და 5-1 სძლია მეტოქეს. გიორგი კირვალიძე საუკეთესოდ დასახელდა.

ლისი დეველოპმენტი ბოლო თამაშებში საკმაოდ კარგ ფორმაში შევიდა და სწორედ ამის დასტური იყო მათი დამაჯერებელი გამარჯვება დომსონის წინააღმდეგ. 7-1 დეველოპმენტს, ჰეთ-თრიკი მიქაელ იორამაშვილს და პერსპექტიული სვლა გრძელდება.

ფეიდეისა ბენროის შორის დაპირისპირება წინა მატჩზე ბევრად დაძაბული გამოდგა და თითქმის მთელი მატჩი გაუგებარი იყო, თუ ვინ მოიპოვებდა 3 ქულას. საბოლოო ჯამაში ილია შუბითიძემ ტრადიციულად იყოჩაღა და მისი დუბლის წყალობით ბენროიმ 3-2 მოიგო.

საბა კონსტრაქშენსა და სკ.ირ-ს ერთმანეთთან დაპირისპირების წინ 3-3 ქულა ჰქონდათ, შესაბამისად საინტერესო იყო, თუ რომელი მათგანი დაწინაურდებოდა სატურნირო ცხრილში. კონსტრაქშენმა ამ მიზანს მარტივად მიაღწია, 4-1, დუბლი ზაზა მამასახლისს და 6 ქულა საბას.

მარტივი გამარჯვების შემდეგ პარიტეტის ჯერიც დადგა. ეს თანაბარი შედეგი სექტორ 27-მა და ჯოგა ბონიტომ შემოგვთავაზეს, გაიტანეს რა 3-3 გოლი და გაიყვეს ქულები. საუკეთესოდ სექტორ 27-ის რევზ წულაძე დასახელდა.

ამბრის, მინისოსთან თამაშის წინ 3 ქულა ჰქონდა, მინისოს კი ჯერ 1-იც არ მოუგროვებია. შესაბამისად, ორივე გუნდს სჭირდებოდა სატურნირო მდგომარეობის გაუმჯობესება. ეს, როგორც უფრო მოსალოდნელი იყო, ამბრიმ მოახერხა. დუბლი შადურ ივეჩიანს, 3-0 ამბრის და 6 ქულით ისინი ათეულში შევიდნენ.

ერთ-ერთი ცენტრალური მატჩი შედგა გლოვოსა და ლისი ლაიონსს შორის. ორი ყველაზე უხვგოლიანი გუნდისგან, ყველა სანახაობას ელოდა. სანახაობა მივიღეთ, გოლები ვერა. გასაოცრად, ეს მატჩი 0-0 დასრულდა, გუნდება უგოლო ყაიმით გაიყვეს ქულები და ჩვენც მორიგი დაძაბული ფრე მივიღეთ.

დიდ ინტერესს იწვევდა ლიგის ლიდერ ტავ ჯორჯიასა და ადვოკატთა ასოციცას შორის მატჩი. არც ეს თამაში გამოდგა ისეთი, როგორსაც ველოდით და ადვოკატებმა მარტივად, ანგარიშით 4-0 სძლიეს ტავ ჯორჯიას და თავად გალიდერდნენ სატურნირო ცხრილში. საუკეთესო ნიკა ნანობაშვილი იყო დუბლით.

ზედიზედ მესამე ცენტრაული მატჩი ვაკესა და ბეთლაივს შორის გაიმართა. გუნდებს 10-10 ქულა ჰქონდათ და ორივე მათგანი ბოლომდე იბრძოდა ცხრილში დასაწინაურებლად. ბაქარ ადამიამ მშვენივრად ითამაშა, კვიკვინიამაც ტრადიციულად გაიტანა და ვაკემ 2-1 სძლია ვიზავის.

აგორას, We are United-თან თამაშის წინ ქულები არ ჰქონდა, იუნაიტედის მოთამაშეები კი ერთი მოგებით წინ იყვნენ. ეს მატჩი მოსალოდნელად დაძაბული გამოდგა, თუმცა აგორას სურვილმა, პირველი ქულები აეღო, გადაწონა იუნაიტედის გარჯა და მათ 5-3 მოიგეს. ამჟამად, ორივე გუნდს 3 ქულა აქვს. 

სტატიის ავტორი: ანრი ფხაკაძე