მასტერ ლიგაზე VIII ტური დასრულდა. შესაბამისად, ახალი ცხრილი და ამ ეტაპისთვის ჯგუფის ლიდერებიც ცნობილია. კიდევ უფრო გამოიკვეთნენ ბომბარდირები, დასახელდნენ მატჩების და ტურის საუკეთესოები.

5:3 გაიმარჯვა ამბასადორმა მანტისის წინააღმდეგ გამართულ მატჩში. გოლები გაიტანეს დიმიტრი ჩერნიშოვმა, გიორგი გიორგაძემ, გერასიმე რეზესიძემ, აკაკი შენგელიამ და ლაშა სილაქაძემ. მანტისიდან კი გაიტანეს ვასილ მაისურაძემ, როსტომ ციცქიშვილმა (დუბლი).

11:3 გაანადგურა თბილისის მერიამ კვარტალი. მოგებულთაგან პოკერი შეასრულა მატჩის საუკეთესო მოთამაშემ ნიკოლოზ გაბრიჩიძემ, ასევე პოკერი გაიფორმა ლაშა ხატიაშვილმა, დუბლი ჩაიწერა საკუთარ აქტივში მიხეილ თოფურიამ, ერთი გოლიც გივი კვარაცხელიას ანგარიშზეა. კვარტალიდან გოლებით თავი ლუკა გოგუაძემ (დუბლი) და ნიკა მარშანიშვილმა გამოიჩინეს.

ბენე სპორტისა და საჯარო რეესტრის დაპირისპირება 9:7 დასრულდა. გამარჯვებულთაგან პოკერი გააკეთა ზურა აბესაძემ, ჰეთრიკი გიგი მამალაძემ და დუბლი ლაშა ჩუხუამ. რეესტრიდან ოთო ხუციშვილმა (ჰეთრიკი), უჩა მამულაშვილმა (დუბლი), ნიკოლოზ მაისურაძემ და ლევან ფირანიშვილმა გაიტანეს.

3:5 დამარცხდა აფხაზეთი მერიის უსაფრთხოებასთან შეხვედრაში. ჰეტრიკი შეასრულა აკაკი ტეტუნაშვილმა, დუბლი კი მიხეილ ყიასაშვილმა. აფხაზეთიდან დავით ტყებუჩავა, გუჯა ავსაჯანიშვილი და გიორგი ალავიძე გამოირჩნენ.

მორიგი კარგი მატჩი ჩაატარა SSPS-მა და ამჯერად გარეჯს 11:3 მოუგო. შესანიშნავ ფორმაშია გიორგი ბაგალიშვილი, რომელმაც პენტატრიკი შეასრულა და საკუთარ გუნდს 5 გოლით დაეხმარა. ასევე კარგი შეხვედრა ჩაატარა მიხელი კენჭაძემ და ჰეთრიკიც გაიფორმა. თითო გოლი გაიტანეს დავით იობიძემ, დიეგო ლობჟანიძემ და ლაშა ხომასურიძემ. გარეჯიდან გიორგი ნიჟარაძემ, შოთა აბშინაშვილმა და ბაკურ ბაკურაძემ გაიტანეს. მატჩის საუკეთესო უდაოდ ბაგალიშვილი იყო და დასახელდა კიდევაც.

ერთქულიანი სხვაობით 5:4 დაამარცხა ტიბიამ ბასიანი. გამარჯვებულთაგან დუბლი შეასრულა გიორგი ლობჟანიძემ, თითო გოლი კი თორნიკე ნემსაძემ, ანდრეა ფურცელაძემ და ალექსანდრე რეხვიაშვილმა გაიტანეს. ბასიანიდან ჰეთრიკი გაიფორმა ლადო ხიდეშელმა. ერტი გოლი კი დავით ბარნაბიშვილის ანგარიშზეა.

ფრედ 2:2 დასრულდა პრინციპურლად მნიშვნელოვანი მატჩი სეუსა და იბერონს შორის. ორივე გუნდი თავისი ჯგუფის ლიდერია. გამოცდილმა და კარგად მომზადებულა ფეხბურთელებმა ლამაზი თამაში აჩვენა, ერთმანეთს ტოლი არ დაუდეს და ანგარიშიც შესაბამისი დაფიქსირდა. რაც შეეხება გოლებს, სეუდან დავით ჯავახიშვილმა და სერგი მაჭარაშვილმა გაიტანეს. იბერონის რიგებში კი აკაკი წყაროზია და ირაკლი მოდებაძე გამოირჩნენ.

3:2 მოუგო ბუდაპეშტმა ზოომარტს. დუბლი შეასრულა წინა წლის და არნიშნული თამაშის საუკეთესო ფეხბურთელმა ჯეჯო ჯალიაშვილმა. ერთი გოლი კი ვახტანგ მაჩალაძის ანგარიშზეა. ბასიანიდან გიორგი ხიდეშელმა და გიორგი ყაზარაშვილმა გაიტანეს.

ირაოსა და IFK-ანაგის დაპირისპირება ამ უკანასკნელის გამარჯვებით 4:5 დასრულდა. ჰეთრიკი შეასრულა კახაბერ კიკოშვილმა, რომელიც შეხვედრის საუკეთესოდაც აღიარეს. ასევე გაიტანა ალექსანდრე შენგელიამ და გიორგი ბოჭორმელმა. ირაოს რიგებში ლევან ჟვანიამ შეასრულა ჰეთრიკი, ერთი გოლი კი ნიკოლოზ დადიანის ანგარიშზეა.

4:9 დამარცხდა მთაწმინდა GRASROOT-თან გამართულ შეხვედრაში. პენტატრიკი შეასრულა და მატჩის საუკეთესო გახდა ალექსანდრე ამისულაშვილი, ჰეთრიკი გააკეთა დავით სირაძემ, ერთიც გიორგი რევაზიშვილმა გაიტანა. წაგებულთაგან თავი გამოიჩინა ლაშა ჯოხაძემ, დავით მოისწრაფიშვილმა, გიორგი ნათიძემ და ლაშა ნინიკაშვილმა.

რაც შეეხება ბომბარდირებს, პირველ ადგილზეა ნიკოლოზ გაბრიჩიძე, რომელსაც 18 გოლი აქვს გატანილი, მას მოყვება ჯეჯო ჯალიაშვილი 15 გოლით, სამეულს კი გიორგი ბაგალიშვილი 13 გოლით ხურავს. შვიდეულში ასევე არიან კახა კალაძე (12), კოტე გაბაშვილი (12), ალექსანდრე ამისულაშვილი (11) და ლუკა ბლიაძე (11).

მერვე ტურის საუკეთესოები გახდნენ: ლაშა ხატიაშვილი (თბ.მერია), აკაკი ტეტუნაშვილი (მერიის უსაფრთხოება), როსტომ ციცქიშვილი (ამბასადორი), ზურაბ აბესაძე (ბენე სპორტი), გიორგი ბაგალიშვილი (სსპს),დავით ლომაია (სეუ), ალექსანდრე რეხვიაშვილი (ტიბია), ალექსანდრე ამისულაშვილი (გრასრუტი), კახაბერ კეკოშვილი (ანაგი), ჯეჯო ჯალიაშვილი (ბუდაპეშტი). სპორტსმენები მასტერ ლიგის მხარდამჭერმა კომპანია „ესტრელამ“ სპეციალური პრიზით დააჯილდოვა.