22-24 სექტემბერს მასტერ ლიგის მეხუთე ტურის მატჩებით გაიმართა. მზიურის მინი სტადიონზე დღის პირველი დაპირისპირება ბუდაპეშტსა და ამბასადორს შორის შედგა.  თამაშის დაწყებისთანავე გახსნა ანგარიში ამბასადორელმა გიორგი კაჭკაჭიშვილმა, რომელსაც მალევე მეორე გოლით თანაგუნდელი გერასიმე რეზესიძე წაეხმარა. საპასუხო დარტყვა ვიხილეთ ჯეჯო ჯალიაშვილის შესრულებით, რომელმაც მალევე მეორე გოლიც ჩაიწერა საკუთარ აქტივში და მატში წონასწორობაც აღადგინა. ასევე არ დააყოვნა რეზესიძემ და თავისი დუბლით გუნდი წინ გაიყვანა. მეორე ტაიმის პირველივე წუთზე ამბასადორის აქტიურობას კიდევ ერთი გოლი მოჰყვა გიოირგი მარაქველიძის შესრულებით, ასევე გაიტანა ედგარ კაზარიანმა და გუნდი წინ 3 ბურთით გავიდა. აღსანიშნავია, რომ გუნდის ლიდერი და ტურნირის ერთ-ერთი ბომბარდირი  ჯალიაშვილი, რომელმაც მატჩი ტრავმის გამო ვეღარ გააგრძელა გუნდს ძალიან დააკლდა, შეხვედრა კი საბოლოოდ ამბასადორმა 5:2 მოიგო. მატჩის საუკეთესოდ გერასიმე რეზესიძე დასახელდა. რაც შეეხება სატურნირო მდგომარეობას, ამბასადორს 10 ქულა აქვს და ლურჯ ჯგუფში მეორე ადგილს იკავებს, ბუდაპეშტი კი  9 ქულით მეოთხეა.

11:4 იმარჯვა GRASSROOT-მა კვარტალთან გამართულ მატჩში. ძირითადად ვეტერანი ფეხბურთელებით დაკომპლექტებული გრასრუტის შემადგენლობაში გოლებით თავი გამოიჩინეს: ალექსანდრე ამისულაშვილმა (ჰეთრიკი), დავით მუჯირმა (დუბლი), გაგა ჯაფარიძემ (დუბლი), დავით სირაძემ, შოთა კუციამ, ლაშა სალუქვაძემ და დავით იმედაშვილმა. დამარცხებულთაგან კი გიორგი ამირხანაშვილმა, გიორგი ხაჩიძემ, აკაკი ქუხილავამ და გეგი გარუჩავამ გაიტანეს. შეხვედრის საუკეთესოდ დავით მუჯირი დასახელდა. გრასრუტს 3 ქულა აქვს და ჯგუფში მეშვიდეა, კვარტალი კი წითელ ზონაშია და ერთადერთი ქულით მეცხრე ადგილზეა.

დღის დასკვნით შეხვედრაში მთაწმინდა ირაოს  ეთამაშა და 7:4 დაამარცხა. მოგებულთაგან გოლებით ლაშა ნინიკაშვილი (დუბლი), გიორგი თონღაძე (დუბლი), გიორგი ნათიძე (დუბლი) და ნიკა ფირცხალავა გამოირჩნენ. ირაოს რიგებში კარგი თამაში აჩვენა და ჰეთრიკი შეასრულა კოტე გაბაშვილმა, ერთი გოლიც ნიკოლოზ კევლიშვილის ანგარიშზეა. მატჩის საუკეთესოდ ლაშა ნინიკაშვილი დასახელდა. მწვანე ჯგუფში მთაწმინდა 10 ქულით მეოთხე ადგილს იკავებს, ირაოს კი 4 ქულა აქვს და მეექვსე საფეხურზეა.

1:4 დამარცხდა ბენე სპორტი სეუსთან გამართულ მატჩში. გამარჯვებულთაგან, რომლებსაც უკვე 13 ქულა მოუგროვდათ და ჯგუფში პირველ პოზიციაზე არიან ჰეთრიკი შეასრულა ნიკა მანგოშვილმა, რომელიც მატჩის საუკეთესოდაც დასახელდა, ერთი გოლიც სერგი მაჭარაშვილის ანგარიშზეა. ბენე სპორტიდან ერთადერთი გოლის ავტორი გიგი მამალაძე გახდა. გუნდი უქულოდაა და ბოლო ადგილზე იმყოფება.

საჯარო რეესტრი თბილისის მერია 2:8 დასრულდა.  მერიის რიგებში კვლავ შესანიშნავად ითამაშა და ჰეთრიკით გამოირჩა კახი კალაძე, რომელსაც 10 გოლი დაუგროვდა და ბომბარდირთა სათავეშია. ასევე სამი გოლი გაიტანა ნიკოლოზ გაბრიჩიძემ, ერთი კი გივი კვარაცხელიამ. ამ მოგებით მერიას 10 ქულა აქვს და მწვანე ჯგუფის სამეულს ხურავს. რეესტრელთაგან საპასუხო დუბლის ავტორი გახდა ნიკოლოზ მაისურაძე, რაც შეეხება სატურნირო მგომარეობას, გუნდს 3 ქულა და მერვე ადგილი გააჩნია.

2:5 დამარცხდა ლურჯი ჯგუფის აუტსაიდერი ბასიანი ასევე აუტსაიდერ - ბოლოსწინა ადგილზე მყოფ გარეჯითან.  მოგებულთაგან გიორგი ნიჟარაძემ (დუბლი), ლევან კოშაძემ (დუბლი) და შოთა აბშინაშვილმა გაიტანეს. ბასიანის რიგებში კი დავით მორჩილაძე და თორნიკე კირკიტაძე გამოიჩნენ. მატჩის საუკეთესოდ ლევან კოშაძე აღიარეს.

მეორე სათამაშო დღე მერიის უსაფრთხოებისა და ზოომარტის დაპირისპირებით გაიხსნა. შეხვედრა ზოომარტმა 2:4 მოიგო. 9 გატანილი გოლით ბომბარდირთა დავაშია გიორგი ხიდაშელი, რომელიც ამ თამაშშიც საუკეთესო იყო და გუნდს დუბლით დაეხმარა. ასევე გაიტანეს დავით დარჩიამ და ზურაბ ჩიტიშვილმა. დამარცხებულთაგან კონსტანტინე ზარნაძე და აკაკი ტეტუნაშვილი გამოირჩნენ. 7 ქულით მეექვსეა ზოომარტი, 3 ქულა აქვს და მერვე საფეხურზეა უსაფრთხოება.

დღის ცენტრალურ დაპირისპირებაში ერთმანეთს ლურჯი ჯგუფის ლიდერი SSPS და მესამეადგილოსანი მანტისი შეხვდნენ. სსპს მატჩის მეოთხე წუთზე გიორგი ბაგალიშვილის გოლით დაწინაურდა. რამდენიმე კარგად დამუშავებული პასის შედეგად მანტისმა ვასილ აფციაურის გოლით გაათანაბრა, მაგრამ ლიდერმა ბაგალიშვილის დუბლით მალევე მოახერხა წინ გასვლა. იქვე კარგად გამოიყენა მცველებისა და მეკარის შეცდომა ბაგალიშვილმა და ჰეთრიკი მიაყოლა. მატჩის ბოლო წუთებზე მეოთხე გოლი ბადრი ტეტუნაშვილმა მიითვალა, რომელსაც გოლითვე უპასუხა გიორგი ბოკელავაძემ და სხვაობა ორამდე შეამცირა. ამას მოყვა სსპს-სს კიდევ ერთი გოლი დიეგო ლობჟანიძის შესრულებით. ამის შემდეგ კი აღარაფერი შეცვლილა - მატჩი სსპს-მ 5:2 მოიგო. გამარჯვებულს 13 ქულა აქვს, მანტისი კი 9 ქულით მეხუთეზეა.

საკმაოდ დაძაბული გამოდგა IFK-ანაგისა და იბერონის შეხვედრა, რომელშიც პირველი გოლი 15-ე წუთზე გიორგი ლუკავამ გაიტანა. პირველი ტაიმის ბოლო წამებზე მოახერხა გათანაბრება შოთა უშარაულმა. ორივე გუნდის მცდელობის მიუხედავად მეორე ტაიმში აღარაფერი შეცვლილა და საბოლოოდ 1:1 დაფიქსირდა. იბერონი 13 ქულით მწვანე ჯგუფში მეორე ადგილს იკავებს, ანაგს კი 9 ქულა აქვს და მეხუთე საფეხურზეა. მატჩის საუკეთესო გიორგი ლუკავა გახდა.

უკვე მეორე თამაშია რაც ბოლო წუთებზე აგებს აფხაზეთი. მიუხედავად უპირატესობისა გუნდმა ამჯერად ტიბიასთან ვერ მოახერხა ანგარიშის შენარჩუნება და 4:5 დამარცხდა. გოლები თორნიკე ნემსაძემ (დუბლი), ალექსანდრე რეხვიაშვილმა, გიორგი ლობჟანიძემ და ლაშა ქაფიანიძემ გაიტანეს. აფხაზეთიდან შესანიშნავი იყო ნუკრი გოგოხია, რომელმაც დუბლი შეასრულა, თითო გოლი კი ირაკლი შილაკაძემ და ირაკლი არველაძემ გაიტანეს. შეხვედრის საუკეთესო მოთამაშედ თორნიკე ნემსაძე დასახელდა.

საუკეთესო ფეხბურთელები მასტერ ლიგის მხარდამჭერმა კომპანია ესტრელამ ტრადიციულად დაასაჩუქრა. ასევე, მასტერ ლიგის მეხუთე ტურის საუკეთესო ფეხბურთელს - გიორგი ბაგალიშვილს, ტურნირის პარტნიორი Apple City - სგან საჩუქრად გადაეცემა Marshall - ის ყურსასმენები.

მასტერ ლიგა მეექვსე ტურის მატჩებით 29 სექტემბრიდან განახლდება.