თბილისის მასტერ ლიგის I ტურის მეორე სათამაშო დღე უხვგოლიანი გამოდგა. პირველი მატჩი ზოომარტსა და თბილისის დებიუტანტ მანტისს შორის შედგა და 1:4 მანტისელთა გამარჯვებით დასრულდა. მოგებულთაგან გოლები ვასილ აფციაურმა, შოთა ჯანგველაძემ, გიორგი კოჭლამაზაშვილმა და დავით გოგოლაძემ გაიტანეს. ზოომარტელთაგან კი პრესტიჟის გოლი აქტივში გიორგი ხიდაშელმა ჩაიწერა.

მეორე შეხვედრაში ერთმანეთს მერიის უსაფრთხოება და ბასიანი დაუპირისპირდნენ. თამაში მერიის უსაფრთხოებამ დამაჯერებლად 5:2 მოიგო. გამარჯვებულთაგან ჰეთრიკი შეასრულა გუნდის 9 ნომერმა კონსტანტინე ზარნაძემ. თითო გოლი კი მიხეილ ყიასაშვილმა და თორნიკე თარხნიშვილმა გაიტანეს. ბასიანის რიგებში გოლებით არჩილ გაბელია და თეიმურაზ ლანჩავა გამოირჩნენ.

დღის ბოლო დაპირისპირება კვარტალსა და საჯარო რეესტრს შორის გაიმართა. შეხვედრა საკმაოდ სანახაობრივი გამოდგა. მაყურებელმა ორივე გუნდიდან ოთხ-ოთხი გოლი იხილა. შესაბამისად ფრე 4-4 დაფიქსირდა. კვარტალის რიგებში გოლების ავტორები გიორგი მანჯგალაძე, კობა გალოგრე, ნიკა გეგეშიძე და გიორგი ხაჩიძე გახდნენ. რეესტრელთაგან დუბლი გაიფორმა ირაკლი ბურჭულაძემ, ნიკა მაისურაძე და დათო გუჯაბიძე კი გუნდს თითო გოლით დაეხმარნენ.

მატჩის საუკეთესო მოთამაშეებად შოთა ჯანგველაძე (მანტისი), კონსტანტინე ზარნაძე (მერიის უსაფ.) და ირაკლი ბურჭულაძე (საჯარო რეესტრი) დასახელდნენ, რომლებიც მასტერ ლიგის მხარდამჭერმა კომპანია ესტრელამ ტრადიციულად დაასაჩუქრა.

მასტერ ლიგის 2020 წლის სეზონის მორიგი შეხვედრები 28 აგვისტოს გაიმართება. ტიბია გარეჯს ეთამაშება, მთაწმინდა სეუს გაეჯიბრება, ბუდაპეშტი კი აფხაზეთს დაუპირისპირდება. მატჩები სტარტს 20:00 საათიდან აიღებს.