23 მაისს მასტერ ლიგა 3-ის სადებიუტო ტური შედგა. პირველი მატჩი გაიმართა გოლოვოსა და ჯოგა ბონიტოს შორის. პირველი ტაიმი უგოლო ფრით დასრულდა, მაგრამ მეორე ტაიმმა ყველაფერი აანაზღაურა და გლოვომ თავისი უპირიტესობა 4 გოლად აქცია, ჯოგა ბონიტომ პრესტიჟის ერთი გოლი გაიტანა. დუბლის ავტორი ნიკა მარგიანი დასახელდა მატჩის საუკეთესო მოთამაშედ.

შემდეგი მატჩი, ქეი ეფ სი - ფეიდეის წინააღმდეგ. ყველაზე მშრალი გამოდგა წლევანდელ სეზონში. ქეი ეფ სი ფლობდა მცირე უპირატესობას, მაგრამ ყველაზე ცნობილი ქათმის ფრთების წარმომადგენლება ეს უპირატესობა გოლად ვერ აქციეს, რაც დაუწერელი საფეხბურთო წესებით ყოველთვის ისჯება. მეორე ტაიმში ფეიდეიმ გაიტანა და ეს საკმარისი გამოდგა 3 ქულის მოსაპოვებლად. 0-1, მატჩის საუკეთესო მოთამაშე კი ფეიდეის გოლკიპერი გიორგი გუნდიშვილი გახდა.

მინისო - ვი არ იუნაიტედ: მინისო მთელი მატჩის მანძილზე ფლობდა უპირატესობას, მათ ანგარიშიც გახსნეს, მაგრამ ბოლო წუთებზე ორი გოლი ზედიზედ მიიღეს და ვი არ იუნაიტედმა მოულოდნელად მოატრიალა თამაში. საუკეთესო მოთამაშედ  გამარჯვების გოლის ავტორი, მუსტაფა მაჰმუდ მუჰამედ აბდუ იოსეფი დასახელდა.

აგორა - ბენროი: ამ თამაშში ყველაფერი თავიდანვე ნათელი იყო, ბენროის ყველაფერი გამოსდიოდა რაც სურდა და ანგარიშიც შესაბამისი დაჯდა: 2-8. საუკეთესო მოთამაშედ ლამაზი ეფექტური გოლების ავტორი, ელიზბარ ერქომაიშვილი დასახელდა.

ამბრი - საბა კონსტრაქშენის პირველი ტაიმი დაძაბულ ბრძოლაში წარიმართა, მაგრამ ამბრი აშკარად უკეთესად გამოიყურებოდა და მეორე ტაიმში შედეგიც გამოიღო: 5-1. საუკეთესო მოთამაშედ უამრავი სეივის ავტორი, ამბრის გოლკიპერი, გურამ ბოსტოღანაშვილი დასახელდა.

ადვოკატთა ასოციაციისა და სექტორ 27-ის დაპირისპირებაც დაახლოებით იმავე სცენარით წარიმართა, როგორითაც წინამორბედი მატჩი. ადვოკატები ფლობდნენ უპირატესობას, მაგრამ მოულოდნელად გოლი გაუშვეს და მდევრების როლში აღმოჩნდნენ. ამან დიდხანს არ გასტანა, ასოციაციამ თემიდას უხმო და სამართალმა იხეირა. 5 უპასუხო გოლი იმ ერთი გაშვებულის შემდეგ და ეფექტური გამარჯვება სამართლის სპეციალისტებს. ამ ეფექტური „ქამბექის“ მთავარი შემოქმედი, ილია ოკმელაშვილი მატჩის საუკეთესოდ დასახელდა.

ლისი ლაიონსი - დომსონის მატჩი ბენ როი - აგორას გამეორებას ჰგავდა. ლისის ლომები სიმბას პრაიდივით შეესივნენ მოწინააღდეგეს და მოკრძალებულ 2 გოლს, 8-ით უპასუხეს... ლისი ლაიონსი დაფრინავდა და მათი მთავარი შტურმანი, ლაშა ჩაჩიბაია დამსახურებულად დასახელდა მატჩის საუკეთესო მოთამაშედ.

შუნგიტი 2 - ტავ ჯორჯია: შუნგიტს მესამე ლიგაშიც ჰყავს გუნდი და მათ სადებიუტო მატჩი გოლითაც აღნიშნეს. მათთვის სამწუხაროდ, ერთი გოლი საკმარისი არ აღმოჩნდა, რადგან ტავ ჯორჯიამ მალევე ჩაიგდო სადავეები ხელთ და 4 მშვენიერი გოლი გაუტანა მეტოქეს. 4-1, 3 ქულა ტავ ჯორჯიას, საუკეთესო მოთამაშის წოდება ომიკო შუბითიძეს.

ბეთლაივს ძალიან ბევრი ნიკა ჰყავს შემადგენლობაში და კვირას ყოველი მათგანი მაგარ ფორმაში შეხვდა ლისი დეველოპმენტთან დაპირისპირებას. ბეთლაივის ბიჭებმა 8 გოლი გაუტანეს მეტოქეს და ეს უკვე მესამე შეხვედრა იყო ამ ტურში, სადაც გამარჯვებულმა გუნდმა 8 ბურთი გაიტანა, მაგრამ წინა მატჩებისგან განსხვავებით დამარცხებულმა გუნდმა 3 გოლის გატანა შეძლო. საბოლოო ჯამში, დამაჯერებელი 3 ქულა ბეთლაივს, საუკეთესო მოთამაშის სტატუსი ნიკა ხომერიკს და პოზიტიური სტარტი დებიუტში.

ვაკე - სკ. ირ: ტურის ბოლო ჯახი ძალიან სანახაობრივი და ხმაურიანი გამოდგა. გულშემატკივრების შეძახილები არ წყდებოდა, ბურთი მოედანზე არ ჩერდებოდა და მთელი პირველი ტაიმი ორმხრივ შეტევებში გაილია. ეს იქამდე გაგრძელდა, სანამ სდსს-ის ყოფილმა საყრდენმა, დიეგო ლობჟანიძემ გამოავლინა გამოცდილება და მისთვის დამახასიათებელი ძლიერი დარტყმებით ორჯერ აიღო მოწინააღმდეგის კარი. ამის შემდეგ, მესამეც დაამეტა ვაკემ და სკ.ირ-ს პრესტიჟის გოლიღა შერჩა ამ დაძაბული მატჩიდან. სადებიუტო 3 ქულა ვაკეს და ლიდერობის დასტურად, საუკეთესო მოთამაშის წოდება დიეგოს.

პირველი ტურის ფოტოკოლაჟი

სტატიის ავტორი: ანრი ფხაკაძე