მზიურის მინი სტადიონზე ქალთა მასტერ ლიგის თბილისის და აღმოსავლეთ ლიგის მატჩები გაიმართა. თბილისის მასტერ ლიგის ფინალურ ეტაპზე 4 გუნდი მონაწილეობდა. კენჭისყრის შედეგად სოხუმის „დინამო 1“ სოხუმის „დინამო 2“-ს დაუპირისპირდა, მატჩი „დინამო 1“-ს გამარჯვებით 8:1 დასრულდა. მეორე შეხვედრაში „ნორჩი დინამო“ „შავ პანტერებს“ შეხვდა და 3:2 დამარცხდა.

აღმოსავლეთ საქართველოს ქალთა მასტერ ლიგის ფინალურ ეტაპზე სოხუმის „დინამო 1“ ხაშურის „ივერიას“ ეთამაშა, შეხვედრა ხაშურელებმა დიდი ანგარიშით 1:8 მოიგეს.

„თეთრიწყაროსა“ და ახალციხის გუნდ „ზარზმას“ შორის შედგა დაპირისპირება, რომელიც ამ უკანასკნელის გამარჯვებით 4:1 დასრულდა.

საკმაოდ დაძაბული გამოდგა მატჩი “კაჭრეთსა” და “FC IR”-ს შორის. ძირითადი დრო მინიმალური ფრით 1:1 დამთავრდა, პენალტების სერიაში კი ირანელმა სტუმრებმა იმარჯვეს.

ასევე, უნდა გამართულიყო დმანისის „ამამლოსა“ და „შავი პანტერების“ დაპირისპირება, თუმცა დმანისელები არ გამოცხადდნენ და ტექნიკური მოგებით (0:5) პანტერები მორიგ ეტაპზე გავიდნენ.

რაც შეეხება ნახევარფინალებს - „ივერია“ „ზარზმას“ დაუპირისპირდა და 4:1 დაამარცხა,

FC IR-მა კი „შავ პანტერებთან“ 0:4 წააგო. შედეგად, ფინალი ითამაშა „ივერიამ“ და „შავმა პანტერებმა“ სადაც ხაშურის გუნდი უკეთ გამოიყურებოდა და შეხვედრაში 5:3 იმარჯვა.

საბოლოოდ გაირკვა, რომ ხაშურის გუნდი ქალთა მასტერ ლიგის აღმოსავლეთ საქართველოს ჩემპიონია.

დასავლეთ საქართველოს ქალთა მასტერ ლიგის 1/4 ფინალში ერთმანეთს 8 გუნდი გაეჯიბრა. კენჭისყრის შედეგად ბათუმის „პატარა ამორძალები“ საჩხერის „ქარიშხალას“ ეთამაშა და 2:3 წააგო. 0:4 დამარცხდა ქობულეთის გუნდი „კვესოს ლომები“ თერჯოლის „კუდრაჭებმა“. 2:5 დათმო მატჩი ოზურგეთის „დვაბზუმ“ „ბათუმთან“. 1:0 დასრულდა „ჩხოროწყუსა“ და ხელვაჩაურის „ლომების“ დაპირისპირება.

1/2 ფინალში 4:0 მოუგო „ბათუმმა“ „ქარიშხალას“. ფინალური დაპირისპირება კი ფრედ 1:1 დასრულდა ჩხოროწყუს გუნდსა და თერჯოლის „კუდრაჭებს“ შორის. პენლების სერიაში თერჯოლამ 6:5 იმარჯვა და დასავლეთ ლიგის ჩემპიონი გახდა.

საბოლოოდ გაირკვა, რომ კაჭრეთის „ამბასადორში“, საქართველოს ჩემპიონის გამოსავლენად ერთმანეთს დასავლეთისა და აღმოსავლეთის გამარჯვებულები - თერჯოლა და ხაშური დაუპირისპირდებიან.

რაც შეეხება მესამე ადგილის, მატჩში ერთმანეთს დასავლეთის ფინალისტი „ბათუმი“ და თბილისის ფინალისტი „შავი პანტერები“ შეხვდნენ, მატჩი აჭარის გუნდის გამარჯვებით 1:0 დასრულდა.