6 ოქტომბრიდან, მასტერ ლიგა VII ტურითს მატჩებით განახლდა. თავდაპირველად სატურნირო მდგომარეობით დავიწყებთ და მოგახსენებთ, რომ მეშვიდე ტურის ბოლოს მწვანე ჯგუფს 17 ქულით იბერონი ლიდერობს, მეორეა სეუ, რომელსაც 16 ქულა აქვს, სამეულს კი 14 ქულით ხურავს თბილისის მერია. ლურჯ ჯგუფში საუკეთესოა ამბასადორი 16 ქულით, მას მოყვება SSPS, რომელსაც ასევე 16 ქულა მოუგროვდა, მესამე კი მანტისია, გუნდს 15 ქულა გააჩნია.

რაც შეეხება უშუალოდ თამაშებს, დღის პირველ შეხვედრაში 5:2 გაიმარჯვა ზოომარტმა, რომელიც გარეჯს ეთამაშა. გოლები გიორგი ყაზარაშვილიმა (ჰეთრიკი), ვალერიან ამირანიძემ და გიორგი ექსეულიძემ გაიტანეს. გარეჯიდან დათო ლაშხის და გიორგი ნიჟარაძის გოლები გავიდა.

ასევე 5:2 მოუგო თბილისის მერიამ სეუს. ჰეთრიკი შეასრულა ნიკოლოზ გაბრიჩიძემ, თითო გოლი გაიტანეს ლევან ჩიხრაძემ და გივი კვარაცხელიამ. სეუდან გოლები სერგი მაჭარაშვილმა და ნიკოლოზ მანგოშვილმა გაიტანეს.

უხვგოლიანი გამოდგა GRASSROOT-სა და საჯარო რეესტრის დაპირისპირება. შეხვედრაში გრასრუტმა დამაჯერებლად 10:3 იმარჯვა. დუბლები გაიფორმეს გიორგი რევაზიშვილიმა, დავით სირაძემ, შოთა კუციამ, ვასილ ქურიძე და გაგა ჯაფარიძემ. რეესტრიდან დავით გუჯაბიძე და ლევან ფირანიშვილი გამოირჩნენ.

მასტერის მეორე სათამაშო დღეს 4 მატჩი შედგა. პირველ შეხვედრაში მანტისი მერიის უსაფრთხოებას ეთამაშა და 5:2 მოუგო. გამარჯვებულთაგან გოლებით ვლადიმერ ბუჩუკური, დავით გოგოლაძე, ვახტანგ შემაზაშვილი, ვასილ აფციაური და როსტომ ციცქიშვილი გამოირჩნენ. მოწინააღმდგე გუნდიდან აკაკი ტეტუნაშვილმა და ირაკლი ლელაძემ გაიტანეს.

4:6 წააგო ტიბიამ ამბასადორთან. გოლები გაიტანეს აკაკი შენგელიამ, ზაზა კობახიძემ, დიმიტრი ჩერნიშოვმა, ედგარ კაზარიანმა, გიორგი მარაქველიძემ და ნიკა ოთინაშვილმა. ტიბიადან თორნიკე ნემსაძე, ბესიკ ამაშუკელი (დუბლი) და ანდრია ფურცელაძე გამოირჩნენ.

თორნიკე ჯანელიძისა და გიორგი ლუკავას გოლებით მოიგო IFK-ანაგმა, რომელიც მთაწმინდას ეთამაშა. შესაბამისად შეხვედრაში 2:0 დაფიქსირდა.

მიუხედავად კარგი თამაშისა, რამდენიმე ტურია მოგებას ვერ ახერხებს აფხაზეთი, რომელიც ამჯერად ბასიანთან 6:9 დამარცხდა. გამარჯვებულთაგან გოლებით არჩილ გაბელია (ჰეთრიკი), თეიმურაზ ლანჩავა (დუბლი), თორნიკე კირკიტაძე (დუბლი), დავით ბარნაბიშვილი და დავით მორჩილაძე გამოირჩნენ. ბასიანში კი ნუკრი გოგოხიამ (დუბლი), ირაკლი არველაძემ (დუბლი), არჩილ პეტრიაშვილმა და გიორგი ალავიძემ გაიტანეს.

დიდი ანგარიშით 11:1 მოუგო რაომ კვარტალის. პენტატრიკის ავტორი გახდა კონსტანტინე გაბაშვილი, ჰეთრიკი შეასრულა ნიკოლოზ გავაშელმა, დუბლი გაიფორმა ლევან ჟვანიამ, ერთიც ოთო მუჩიაშვილმა გაიტანა. კვარტალშ პრესტიჟის გოლით გიორგი ამირხანაშვილი გამოირჩა.

6:5 მოუგო SSPS-მა ბუდაპეშტს. გამარჯვებულთაგან მიხეილ კენჭაძის პოკერი, ხოლო ლაშა ხომასურიძის და დიეგო ლობჟანიძის გოლები ვიხილეთ. ბუდაპეშტიდან გოლებით  გასული წლის საუკეთესო ფეხბურთელი ჯეჯო ჯალიაშვილი (დუბლი), ლუკა ბლიაძე და ვახტანგ მაჩალაძე გაისარჯნენ.

დღის ბოლო შეხვედრაში ბენე სპორტი იბერონს დაუპირისპირდა და 6:10 დამარცხდა. მოგებულთა რიგებში გოლებით თავი გამოიჩინეს ირაკლი ქარჩავამ (ჰეთრიკი), გიორგი მოდებაძემ (ჰეთრიკი), ლევან კვიციანმა (დუბლი), ვასილ საბაშვილმა და შოთა უშარაულმა. ბენე სპორტიდან ზურა აბესაძემ (ჰეთრიკი), ლაშა ჩუხუამ (დუბლი) და გიგი მამალაძემ გაიტანეს.

შეგახსენებთ, რომ მასტერ ლიგის ბომბარდირებს 14 გატანილი გოლით ნიკოლოზ გაბრიჩიძე ლიდერობს, მეორეა ჯეჯო ჯალიაშვილი, რომელსაც 13 გოლი აქვს ჩაწერილი საკუთარ აქტივში, 12 გოლი უგროვდება კახა კალაძეს და ბომბარდირთა დავაში მესამე საფეხურს იკავებს.

მეექვსე ტურის შეხვედრების საუკეთესოებად ნიკოლოზ გაბრიჩიძე (თბ.მერია), გიორგი ფოფხაძე (გრასრუტი), გიორგი ყაზარაშვილი (ზოომარტი), გიორგი მარაქველიძე (ამბასადორი), თორნიკე ჯანელიძე (IFK - ანაგი) ვასილ აფციაური (მანტისი), თორნიკე კირკიტაძე (ბასიანი), მიხეილ კენჭაძე (SSPS), კონსტანტინე გაბაშვილი (ირაო), ირაკლი ქარჩავა (იბერონი) დასახელდნენ, ისინი მასტერ ლიგის მხარდამჭერმა კომპანია ესტრელამ ტრადიციულად დაასაჩუქრა. ასევე სპეციალური პრიზი გადაეცემა ტურის საუკეთესო ფეხბურთელს Apple City-სგანაც.

მასტერ ლიგის მერევე ტურის მატჩები სტარტს 13 ოქტომბრიდან აიღებს. მანამდე კი, 10-11 ოქტომბერს მზიურის მინი სტადიონი ჩელენჯ ლიგის შეხვედრებს უმასპინძლებს.