ჩელენჯ ლიგის III ტური დასრულდა. შაბათ-კვირის მატჩებში  გუნდებმა თავდაუზოგავად იბრძოლეს და სატურნირო ცხრილის ფავორიტებიც გამოიკვეთნენ.

პირველი სათამაშო დღე E.F.A-მ გახსნა და SALLER-ს თაზო ბოხუას დუბლითა და ლაშა თადუმაძის გოლით 3:1 მოუგო. სალერიდან კი პრესტიჟის გოლი ზურაბ კბილაძემ გაიტანა. 6 ქულა და 14 გატანილი გოლი აქვს სალერს და მწვანე ჯგუფში მესამეზეა. ეფასაც 6 ქულა აქვს,  თუმცა 9 გატანილი გოლით მეოთხე პოზიციას იკავებს.

3:4 დამარცხდა 7 კოდი ვიჯი ტექნოსთან, რომელსაც 9 ქულა დაუგროვდა და ლურჯ ჯგუფში მეორე ადგილზეა. 7 კოდი კი 6 ქულით მეთხეა. რაც შეეხება უშუალოდ გოლებს, გამარჯვებულთაგან ლევან მესხი (დუბლი), არჩილ ალბორიშვილი და თაზო ასლანიშვილი გამოირჩნენ. წაგებულთაგან კი ლევან ვაშაკიძემ, კოტე მაჩიტიძემ და ილია ქარქაშაძემ გაიტანეს.

კიდევ ერთი შეხვედრა გამართა საბურთალომ, რომელიც TTC-თან 1:2 დათმო და ჯგუფში ბოლოს წინა, მეთერთმეტე ადგილს იკავებს. TTC კი 6 ქულით მეექვსე საფეხურზეა.

4:1 მოუგო მეგობრებმა adjarasport-ს, რომელსაც ამ წაგებით საქმე გაურთულდა და ჯგუფში 4 ქულით მეშვიდე ადგილზე იმყოფება, მეგობრები კი 3 ქულით მეცხრე პოზიციაზე არიან.

მორიგ მატჩში HIPP ლურჯი ჯგუფის მესამეადგილოსან თბილსერვისს დაუპირისპირდა და 1:6 დამარცხდა. დუბლი გაიფორმა ნიკა ენუქიძემ მოგებულთაგან, თითო გოლით კი ნუგზარ კაპანაძე, გიორგი ბერიანიძე, შოთა ჯიშკარიანი და შაკო კვანტალიანი გამოირჩნენ. ჰიპიდან პრესტიჟის გოლი გიორგი კირვალიძის ანგარიშზეა. ამ გამარჯვებით თბილსერვისს 12 გოლი და 6 ქულა დაუგროვდა. ჰიპი კი 4 მოგებით მერვეზეა.

3 უპასუხო გოლი გაუტანა FC IR-მა CRYSTALBET-ს და 4 ქულით მეექვსე ადგილზე განთავსდა. კრისტალბეთი კი უქულოდაა და ჯგუფში უკანასკნელ პოზიციას იკავებს.

ჩელენჯ ლიგის მეორე სათამაშო დღე ჯითისისა და ცხოველთა მონიტორინგის დაპირისპირებით გაიხსნა და ჯითისის გამარჯვებით 3:1 დასრულდა. შედეგად მონიტორინგელებს კვლავ ნული ქულა აქვთ და ბოლოსწინა ადგილზე იმყოფებიან, მატჩის გამარჯვებული კი 6 ქულით მეხუთე ადგილს იკავებს.

ფრედ 3:3 დასრულდა FEYDAY-სა და ჰერმესი შეხვედრა. 4 ქულით მეშვიდე ადგილზეა ჰერმესი. FEYDAY-ს კი 1 ქულა აქვს და ჯგუფში მეათეა.

უხვგოლიანი გამოდგა სპარტასა და აი გრუპის დაპირისპირება და საბოლოოდ სპარტას გამარჯვებით 10:4 დასრულდა. აღნიშნული მოგებით გუნდს 6 ქულა დაუგროვდა და მეხუთეზე დამკვიდრდა, აი გრუპი კი უქულოდ იმყოფება და ბოლო ადგილს იკავებს.

PERSIS FC მწვანე ჯგუფის ლიდერ ინტერსპორტს შეხვდა და 5:3 დაამარცხა. შედეგად 1  ქულა აქვს და მეცხრე ადგილზე იმყოფება. ინტერსპორტი კი 9 ქულით პირველ ადგილზეა.

პირველობას კვლავ არავის უთმობს ჯგუფის ლიდერი არმია, რომელიც მოგებების სერიას განაგრძობს. მიუხედავად კარგი მეტოქეობისა შესანიშნავად მომზადებულ გუნდთან ბრიტანია ვერაფერს გახდა და 6:3 დამარცხდა. ჰეთრიკი შეასრულა ირაკლი ლატარიამ და ტურნირის  ბომბარდირთა შორისაა. თითო გოლით კი თავი მინდია კოპალეიშვილმა, გიგა ბერაიამ და ბაკურ ნანეიშვილმა გამოიჩინეს. ბრიტანიას რიგებში ბექა ქორიძემ, მიშო იორამაშვილმა და ლუკა ფარცვანიამ გაიტანეს.

ჩელენჯ ლიგის მორიგი ტურის შეხვედრები 19-20 სექტემბერს გაიმართება. მანამდე კი, 15 სექტემბერს  მასტერ ლიგის მატჩები შედგება.