3 სექტემბერს, მასტერ ლიგის II ტურის მორიგი ოთხი მატჩი გაიმართა. ბასიანი, რომელმაც წინა ტურში მარცხი განიცადა აღდგენილი ძალებით დაუბრუნდა მოედანს და ამბასადორს 3:1 მოუგო. გოლებით ბასიანის რიგებში ლუკა დარჯანია, არჩილ გაბელია და თორნიკე კირკიტაძე გამოირჩნენ. დამარცხებულთაგან პრესტიჟის გოლი გერასიმე რეზესიძის ანგარიშზეა.

IFK-ანაგი ბენე სპორტს დაუპირისპირდა და თორნიკე ჯანელიძის, გიორგი ლუკავას, კახაბერ კეკოშვილის, თორნიკე ბახტაძისა და სერგი მუჯირის გოლებით 5:2 იმარჯვა.  ბენე სპორტიდან კი გოლები გივი გურგრნიძისა და ჯაბა ჯამარაშვილის ანგარიშზეა.

5:1 დაამარცხა მანტისმა გარეჯი, რომელსაც ცუდი სტარტი ჰქონდა და ასევე აგრძელებს გამოსვლას. მანტისელებმა კი პირველ ტურშიც დამაჯერებლად იმარჯვეს და ახლაც მშვენიერი თამაში აჩვენეს. დუბლი გაიფორმა დავით გოგოლაძემ და როსტომ ციცქიშვილმა, ერთი გოლი კი რევაზ აფციაურმა ჩაიწერა აქტივში. გარეჯიდან გიორგი განუგრავა გამოირჩა.

პირველ ტურში ბუდაპეშტთან განცდილი მარცხის შემდეგ აფხაზეთმა მობილიზება შეძლო და მეკარის შეუდარებელი თამაშის წყალობით ზოომარტი 3:2 დაამარცხა. გოლები ნუკრი გოგოხიამ, ლუკა ხომასურიძემ და არჩილ პეტრიაშვილმა გაიტანეს. ზოომარტის მხრიდან კი არჩილ კელიხაშვილისა და გიორგი ყაზარაშვილის გოლები ვიხილეთ.

დღის საუკეთესო ფეხბურთელები როსტომ ციცქიშვილი (მანტისი), გიორგი ლუკავა (IFK ანაგი), ბაკურ საჯაია (აფხაზეთი) და ლუკა დარჯანია (ბასიანი) გახდნენ. მოთამაშეები მასტერ ლიგის მხარდამჭერმა კომპანია ესტრელამ ტრადიციულად დაასაჩუქრა.

მასტერ ლიგა სამშაბათს მორიგი ეტაპის მატჩებით განახლდება, მანამდე კი უქმეებზე ჩელენჯ ლიგის მეორე ტურის შეხვედრები გაიმართება.