მასტერ ლიგის მეორე ტური მორიგი 3 მატჩით გაგრძელდა. მერიის უსაფრთხოების გუნდი გასული წლის თბილისის ჩემპიონ SSPS-ს დაუპირისპირდა და 4:6 წააგო. მოგებულთაგან გოლები ლაშა ხომასურიძემ, დავით იობიძემ, მიხეილ კენჭაძემ და გიორგი ბაგალიშვილმა (ჰეთრიკი) გაიტანეს - ეს უკანასკნელი მატჩის საუკეთესო მოთამაშედაც აღიარეს. დამარცხებელთა რიგებში კი ჰეთრიკი შეასრულა ირაკლი ლელაძემ, ერთი გოლი კი აკაკი ტეტუნაშვილის ანგარიშზეა.

3:2 მოუგო იბერონმა თბილისის მერიას, რომელმაც 6 ქულა დააგროვა და ჯგუფში გალიდერდა. იბერონიდან გოლებით თემურ ჯაფარიძე, ირაკლი მოდებაძე და გიორგი მოდებაძე გამოირჩნენ. მერიის რიგებში დუბლი გაიფორმა ნიკოლოზ გაბრიჩიძემ, ერთი გოლი კი გივი კვარაცხელიას აქტივში ჩაიწერა.

დღის ბოლო შეხვედრაში კვარტალი მთაწმინდასთან 2:3 დამარცხდა. მოგებულთაგან გიორგი ნათიძის, გიორგი უგულავასა და შალვა ფირცხალავას გოლები ვიხილეთ. კვარტალის რიგებში კი გოლები გიორგი ხაჩიძემ და აკაკი ქუხილავამ გაიტანეს.

დღის საუკეთესო მოთამაშეები გახდნენ გიორგი ბაგალიშვილი (სსპს), გიორგი მოდებაძე (იბერონი) და გიორგი უგულავა (მთაწმინდა). სამივე ფეხბურთელი მასტერ ლიგის მხარდამჭერმა კომპანია ესტრელამ დააჯილდოვა.

3 სექტემბერს, 20:00 საათიდან II ტურის მორიგი 4 შეხვედრა გაიმართება. ბასიანი ამბასადორს ეთამაშება, IFK ანაგი ბენე სპორტს შეხვდება, აფხაზეთი ზოომარტის წინააღმდეგ გამოვა, მანტისი კი გარეჯს დაუპირისპირდება.