მზიურის მინი სტადიონზე ტიბიასა და ბუდაპეშტის დაპირისპირებით გაიხსნა მასტერ ლიგის II ტური. მატჩში მეტად საინტერესო გამოდგა და არაერთი დაძაბული მომენტი ვიხილეთ, აღსანიშნავია, რომ ტიბია შეხვედრას 5-0 იგებდა, თუმცა მატჩი ბუდაპეშტმა ბოლომდე იბრძოლა და 4 გოლის გატანა შეძლო. განსაკუთრებით საინტერესო გამოდგა შეხვედრის ბოლო წუთები, სადაც ბუდაპეშტს რამოდენიმე მომენტი ქონდა ანგარიშის გათანაბრებისა, ხოლო ტიბიას ანგარიშის გაზრდისა. საბოლოოდ კი შეხვედრა 5:4 ტიბიას სასარგებლოდ დასრულდა. გამარჯვებულთაგან დუბლი  შეასრულა ანდრია ფურცელაძემ. ერთი გოლი გაიტანა წინა მატჩის საუკეთესო მოთამაშე თორნიკე ნემსაძემ, თითო გოლი კი ლადო ახალაიამ და ბესიკ ამაშუკელმა გაიტანეს. ბუდაპეშტის რიგებში დუბლით გამოირჩა გუნდის ლიდერი ჯეჯო ჯალიაშვილი, ლუკა ბლიაძემ, რომელიც წინა მატჩის საუკეთესოდ დაასახელეს და ლაშა ღონღაძემ კი თითო გოლი ჩაიწერეს საკუთარ აქტივში.

მეორე შეხვედრში სეუ -GRASSROOT-ს შეხვდა და 4:3 იმარჯვა. პირველ ტურში მთაწმინდასთან დაფიქსირებული ფრის შემდეგ სეუმ მეტი მონდომებით ითამაშა, გატანილი გოლებით კი თავი ზურა ფიჩხაძემ და გუგა ნერგაძემ გამოიჩინეს, ამ უკანასკნელმა ჰეთრიკი შეასრულა. გრასრუტში კი, რომელსაც წინა ტური გაუცდა - ალექსანდრე იაშვილი, დავით მუჯირი და შოთა კუცია გამოირჩნენ. აღსანიშნვაია, რომ მატჩი GRASSROOT-ის უპირატესობით დაიწყო და ჯერ 2-0, ხოლო შემდგომ 3-1 იგებდნენ, თუმცა სეუმ მებრძოლი ხასიათი გამოავლინა და მნიშვნელოვანი სამი ქულა ჩაიწერა აქტივში.

საკმაოდ დაძაბული გამოდგა დაპირისპირება ირაოსა და საჯარო რეესტრს შორის. მიუხედავად გუნდების დიდი მონდომებისა, შეხვედრა ფრედ 5:5 დასრულდა. დუბლის ავტორი გახდა ირაოელთაგან ნიკოლოზ გავაშელი, ასევე გოლები გაიტანეს ნიკოლოზ დადიანმა, კოტე გაბაშვილმა და გიორგი მაკასარაშვილმა. საჯარო რეესტრში კი დავით გუჯაბიძემ დუბლი შეასრულა, ირაკლი ბურჭულაძემ, ბექა გამცემლიძემ და უჩა მამულაშვილმა კი თითო გოლით დაგვამახსოვრეს თავი.

მეორე სათამაშო ტურის დღის საუკეთესოებად ანდრია ფურცელაძე (ტიბია), გუგა ნერგაძე (სეუ) და დავით გუჯაბიძე (საჯ.რეესტრი) დასახელდნენ, რომლებიც მასტერ ლიგის მხარდამჭერმა კომპანია ესტრელამ ტრადიციულად დაასაჩუქრა.

2 სექტემბერს, მერიის უსაფრთხოება SSPS-ს შეხვდება, იბერონი თბილისის მერიასთან გაარკვევს ურთიერთობას, კვარტალი კი მთაწმინდას გაეჯიბრება.