29 აგვისტოს სტარტი აიღო ჩელენჯ ლიგის გათამაშებამ. სადებიუტო დღე ძალიან უხვგოლიანი გამოდგა. პირველ მატჩში E.F.A საბურთალოს ეთამაშა და 17:3 მოუგო. ლაშა თადუმაძემ  5 გოლი გაიტანა და პენტატრიკი შეასრულა, 2 ჰეთრიკი შემოგვთავაზეს გიგა ჩოხელმა და დიმიტრი ხუციანიძემ, დუბლი გაიფორმა გიორგი ბროძელმა, თამაზ ბოხუამ და   გეგი სიხარულიძემ კი თითო გოლი ჩაიწერეს საკუთარ აქტივში.

მორიგ შეხვედრაში ვაზისუბანი აიგრუპს შეხვდა და 6:3 დაამარცხა. ჰეთრიკი შეასრულა ლაშა გურგენიძემ, ასევე ვიხილეთ ვიტალი უზოევის, ნოდარ ლებანიძის და გიორგი გაგუას გოლები. დამარცხებულთაგან კი დუბლი შემოგვთავაზა გიორგი მაღლაკელიძემ, ერთი გოლი კი ნიკა კერვალიშვილმა გაიტანა. აღსანიშნავია, რომ ეს გამარჯვება ვაზისუბნელებმა გიორგი შაქარაშვილის ხსოვნას მიუძღვნეს.

ბევრი გოლი ვიხილეთ ჯითისისა და არმიას მატჩშიც, რომელიც არმიელებმა დამაჯერებლად 2:13 მოიგეს. 3 ჰეთრიკი დაფიქსირდა მინდია კოპალეიშვილის, გოგა ბაქრაძისა და ირაკლი ლატარიას შესრულებით, თითო გოლი კი გიგა ბერაძის, ლაშა ფოფხაძისა და დავით კოხრეიძის ანგარიშზეა.

მორიგ მატჩში FEYDAY  SALLER-ს უნდა შეხვედროდა, მაგრამ არ გამოცხადდა და  ავტომატურად წაგება ჩაეთვალა (0:5).

9:6 მოუგო ინტერსპორტმა სპარტას. პოკერი შეასრულეს ირაკლი ხუჭუამ და დავით გაგნიძემ. 1 გოლი კი გიორგი ამაღლობელმა ჩაიწერა აქტივში. სპარტას შემადგენლობაში კი ჰეთრიკი შეასრულა თორნიკე შუბითიძემ, დუბლი დიტო არჩვაძემ და ერთი გოლიც გიორგი ქეცბაიამ გაიტანა.

დღის ბოლო შეხვედრა კი ADJARASPORT-სა და HIPP-ს შორის შედგა და ფრედ 4:4 დასრულდა. გოლის ავტორები არიან: სოსო კევლიშვილი, გიორგი დოდელია, ვახო გოთუა და დათო ვარდოსანიძე (აჭარასპორტი). აკაკი კაპანაძე, ლევან სურმანიძე, გიორგი გოგოლაშვილი და გიორგი კირვალიძე (ჰიპი).

აღსანიშნავია, რომ CHALLENGE  LEAGUE პირველად იმართება. ეს არის რანგით მეორე ლიგა და მასში 24 გუნდი, 2 ქვეჯგუფად მონაწილეობს. ჯგუფური ეტაპის გამარჯვებულები მომდევნო სეზონიდან ავტომატურად აღზევდებიან MASTER LEAGUE-ში და ითამაშებენ სუპერფინალს CHALLENGE  LEAGUE-ის ჩემპიონი გუნდის გამოსავლენად. ასევე  CHALLENGE  LEAGUE-ის ჯგუფებში მე-2 და მე-3 ადგილზე გასული გუნდები იბრძოლებენ მომდევნო სეზონის  MASTER LEAGUE-ის საგზურისთვის და ფლეიოფის მატჩებში გაეჯიბრებიან მასტერ ლიგაში მე-8 და მე-9 ადგილზე გასულ გუნდებს.