7 მაისს, პირველად საქართველოში, სტარტს 7x7 ფეხბურთის სამოყვარულო ჩემპიონატი აიღებს და თამაშები მთელი საქართველოს მასშტაბით, უკლებლივ ყველა მუნიციპალიტეტში გაიმართება.

7x7 ფეხბურთის ასოციაციის პროექტის - მასტერ ლიგის პირველი, ისტორიული გახსნითი მატჩი, 7 მაისს 21:15 საათზე, მზიურის სტადიონზე გაიმართება, სადაც ერთმანეთს თბილისის მერიისა და კრწანისის გუნდები დაუპირისპირდებიან.

აღნიშნული პროექტი საქართველოს ფეხბურთის ფედერაციის, ქართული ფეხბურთის განვითარების ფონდისა და თბილისის მერიის დაფინანსებით ხორციელდება.