თბილისის მასტერ ლიგის 2020 წლის ფინალში ერთმანეთს გასული სეზონის გამარჯვებული SSPS და იბერონი დაუპირისპირდნენ. მიუხედავად იმისა, რომ იბერონი ძალიან შეკრული გუნდია, მთელი ტურნირი კარგად ჩაატარა და საკუთარი ჯგუფის ლიდერიც გახდა, გამოცდლ სსპს-თან, რომელმაც ასევე არავის დაუთმო ჯგუფში პირველობა, ფინალში ვერაფერს გახდა და შეხვედრა 4:3 წააგო. რაც შეეხება გოლებს, კვლავ შეუდარებლი და გუნდის ლიდერია გიორგი ბაგალიშვილი რომელმაც დუბლი შეასრულა და გუნდის გამარჯვებაში ლომის წვლილი შეიტანა. თითო გოლი ბადრი ტეტუნაშვილის და გიორგი ცაავას ანგარიშზეა, რომლებმაც ასევე დიდი სამუშაო გასწიეს. იბერონიდან თანაგუნდელებთან ერთად არაჩვეულებრივად ითამაშა ირაკლი მოდებაძემ, რომლის ჰეთრიკიც სამწუხაროდ გამარჯვებისთვის საკმარისი არ აღმოჩნდა.

დღესვე გაიმართა მატჩი მესამე ადგილისთვის, რომელშიც ერთმანეთს სეუ და ბუდაპეშტი დაუპირისპირდნენ. შეხვედრა ძალიან ლამაზი, სანახაობრივი და დაძაბული გამოდგა, საბოლოოდ კი ბუდაპეშტის გამარჯვებით 2:3 დასრულდა. გამარჯვებულთაგან გოლის ავტორები გახდნენ გასული წლის საუკეთესო ფეხბურთელი ჯემალ ჯალიაშვილი, ალექსანდრე შუბითიძე და ლუკა ბლიაძე. სეუდან სერგი მაჭარაშვილიმა და ზურა ფიჩხაძემ გაიტანეს.

შეგახსენებთ, რომ წილისყრის შედეგად, თბილისის მასტერ ლიგის მონაწილე 20 გუნდი მწვანე და ლურჯ ქვეჯგუფებში გადანაწილდა. გუნდებმა კალენდარული პრინციპით 9 ტური ითამაშეს. პირველ 4 ადგილზე გასული გუნდები ორივე ქვეჯგუფიდან ოლიმპიური პრინციპით შეხვდენენ ერთმანეთს და საჩემპიონო ფლეიოფი ითამაშეს, სადაც 2 მატჩის შედეგად გამოვლინდა გამარჯვებული. ფინალის და მესამე ადგილის მატჩის გამარჯვებული კი ერთი დაპირისპირებით განისაზღვრა.

აღსანიშნავია, რომ მასტერ ლიგა წელს ყველაზე მასშტაბური იყო, იგი საქართველოს 64 მუნიპალიტეტში ჩატარდა და რეგიონალური გამარჯვებულები გამოვლინდნენ, 32-მა საფეხბურთო გუნდმა მასტერ ლიგის თასზე ასპარეზობის უფლებას მოიპოვა. ფინალური ეტაპის პირველი რაუნდი ჩატარდება 2 კონფერენციის პრინციპით: დასავლეთი და აღმოსავლეთი.

ფინალური ეტაპის პირველ რაუნდში დასავლეთის და აღმოსავლეთის 16-16 საუკეთესო გუნდი ერთმანეთს კონფერენციის მიხედვით დაუპირისპირდება. ჩემპიონატის დასკვნით ეტაპს კი 8 გუნდის შემადგენლობით სასტუმრო კაჭრეთის „ამბასადორი“ უმასპინძლებს.