28 ნოემბერს, მზიურის მინი სტადიონზე ჩელენჯ ლიგის სუპერფინალური მატჩი გაიმართა. ერთმანეთს მწვანე და ლურჯი ჯგუფის პირველადგილოსნები არმია და ინტერსპორტი დაუპირისპირდნენ. შეხვედრა ძალიან სანახაობრივი და დრამატული გამოდგა. მიუხედავა იმისა, რომ არმია მთელი პირველი ნახევრის განმავლობაში ფლობდა უპირატესობას, მეორე ტაიმი ინტერსპორტმა ფანტასტიურად შემოატრიალა, ანგარიში ბოლო წამზე გაათანაბრა და ფრე 4:4 დაფიქსირდა, საბოლოოდ კი 8 მეტრიანების სერიაშიც იმარჯვა და ჩელენჯ ლიგის ჩემპიონი გახდა. გამარჯვებულთაგან გოლები გიორგი ალავიძემ, ერეკლე ხაჭვანმა და გიორგი ფირანაშვილმა (დუბლი) გაიტანეს. არმიის რიგებში კი ბაკურ ნანეიშვილი, ირაკლი ლატარია, დავით კოხრეიძე და ვლადიმერ ბურდული გამოირჩნენ.

აღსანიშნავია, რომ ჯგუფური ეტაპის გამარჯვებულები მომდევნო სეზონიდან MASTER LEAGUE-ში ავტომატურად აღზევდებიან.

შეგახსენებთ, რომ CHALLENGE  LEAGUE წელს პირველად ჩატარდა. ეს არის რანგით მეორე ლიგა და მასში 24 გუნდი, 2 ქვეჯგუფად მონაწილეობდა. გუნდებმა კალენდარული პრინციპით 11 ტური ითამაშეს. რაც შეეხება ჯგუფებში მე-2 და მე-3 ადგილზე გასულ გუნდებს, ისინი მასტერ ლიგაში გადასასვლელად პლე-იოფში დაუპირისპირდებიან Master League-ის ლურჯ და მწვანე ქვეჯგუფებში მე-8 და მე-9 ადგილზე გასულ გუნდებს. ჩელენჯ ლიგის ჯგუფებში მე-12, მე-11, მე-10 და მე-9 ადგილზე გასული გუნდები კი მომდევნო სეზონიდან ასპარეზობას რანგით მესამე ლიგაში დაიწყებენ.