მზიურის საფეხბურთო სტადიონზე ჩელენჯ ლიგის დასკვნითი XI ტურის მატჩები გაიმართა. ძალიან დაძაბული გამოდგა ვაზისუბნისა და სპარტას შეხვედრა, რომელიც საბოლოოდ ამ უკანასკნელის გამარჯვებით 2:3 დასრულდა. აქვე უნდა აღინიშნოს ვაზისუბნის დანაკლისი ვიტალი უზოევისა და ლაშა გურგენიძის სახით, რომლებმაც მატჩი დისკვალიფიკაციის გამო გამოტოვეს.

4:11 დამარცხდა FEYDEY საბურთალოსთან გამართულ დაპირისპირებაში. 3:8 წააგო SPHERA-მ SALLER-თან. ასევე დამარცხდა PERSIS FC TTC-თან ანგარიშთ 1:4. თბილსერვისმა კი ჯითისის ვერ მოუგო და მატჩში 2:4 დაფიქსირდა. 8:4 გაანადგურა CRYSTALBET-მა ვიჯი ტექნო. მინიმალური ანგარიშით 4:3 იმარჯვა არმიამ  7 კოდითან. FC IR  კი ცხოველთა მონიტორინგის წინააღმდეგ ვერაფერს გახდა და შეხვედრა 1:5 წააგო. 4 მატჩი არ ჩატარდა გუნდების გამოუცხადებლობის გამო და შესაბამისად: ბრიტანია აჭარასპორტი 5:0, ინტერსპორტი E.F.A. 5:0, HIPP მეგობრები 0:5, ჰერმესი 7x7 5:0 დაფიქსირდა.

გამართულ შეხვედრებში საუკეთესოებად დასახელდნენ: დავით მაკარაძე, რეზიკო იაკობიძე, არჩილ კიკოლაშვილი, ბაკურ ნანეიშვილი, დავით ცხონდია, მიხეილ ზაქაიძე, ზაზა ხურციძე და გიორგი მანწკავა.

აღნიშნული თამაშებით ჩელენჯ ლიგის რეგულარული ჩემპიონატი დასრულებულია და გარკვეულია, რომ ლურჯ ჯგუფს არმია, მწვანეს კი ინტერსპორტი ლიდერობს და სწორედ მათი დაპირისპირება გამოავლენს ჩელენჯის ჩემპიონს.

აქვე უნდა ვთქვათ, რომ მასტერ ლიგის წესების თანახმად ჩელენჯის მეორე-მესამე ადგილზე გასული გუნდები მასტერ ლიგის მეშვიდე-მერვე ადგილზე გასულებს დაუპირისპირდებიან და სწორედ ამის შედეგად გაირკვევა 2021 წელს რომელი გუნდებით დაკომპლექტდება მასტერი და ჩელენჯ ლიგები.

რაც შეეხება ჩელენჯის ბომბარდირებს 44 გოლით თორნიკე ჩუბითიძე ლიდერობს, მას მოყვება არჩილ კიკოლაშვილი, რომელსაც 25 გოლი აქვს გატანილი, მესამე კი ცოტნე ქინქლაძეა 24 გოლით. შვიდეულში შევიდნენ ვიტალი უზოევი (22), ირაკლი ლატარია (22), ლაშა გურგენიძე (22), და დავით მაკარაძე (20).