სექტემბრისა და ოქტომბრის თვეში შიდა ქართლის 4 მუნიციპალიტეტში (ხაშური,ქარელი,გორი,კასპი) სტარტი აიღო მუნიციპალურმა მასტერ ლიგამ. აღსანიშნავია, რომ რეგიონში 52 საფეხბურთო გუნდმა გამოთქვა MASTER LEAGUE-ში მონაწილეობის სურვილი. მუნიციპალური ლიგების დასრულების შემდგომ კი საუკეთესო გუნდებმა კასპში, რეგიონის პირველობაზე მოიყარეს თავი. ნახევარფინალში, კასპის „გენერალმა“ - ქარელის „ავლევს“ 5-1 სძლია, ხოლო ხაშურის „გალაქტიკომ“ 6-2 დაამარცხა გორის მუნიციპალიტეტის ჩემპიონი „მგლები“.

ვინაიდან, შიდა ქართლს MASTER CUP-ზე 3 ადგილი ეკუთვნის, ძალიან საინტერესო და დაძაბულ ფინალამდე გაიმართა მე-3 ადგილის მატჩი, სადაც უაღრესად დაძაბულ და სანახაობრივ შეხვედრაში გორის „მგლებმა“ 7-6 დაამარცხა ქარელის „ავლევი“.

ფინლურ დაპირისპირებაში კი „გენერალმა“ 1-0 ძლია ხაშურის მუნიციპალური ეტაპის ჩემპიონ „გალაქტიკოს“ და შიდა ქართლის  ჩემპიონის ტიტული დაისაკუთრა.

შიდა ქართლის რეგიონალური ეტაპის საუკეთესო ფეხბურთელის ტიტული ბექა დაბრუნდაშვილს (გენერალი) გადაეცა, უნივერსალის წოდება მიენიჭა „გალაქტიკოს“ ფეხბურთელს გოგა ლურსმანაშვილს, საუკეთესო მეკარე დავით პარკაძე (გენერალი) გახდა, ხოლო ალეკო თავშავაძე (ქარელის „ავლევი“) რეგიონალური ჩემპიონატის ყველაზე პერსპექტიული ფეხბურთელის ჯილდოს დაეპატრონა.