7-8 ნოემბერს მზიურის მინი სტადიონზე ჩელენჯ ლიგაზე X ტურის მატჩები გაიმართა. პირველი დღის პირველი შეხვედრა FEYDEY და E.F.A-ს შორის შედგა და ამ უკანასკნელის გამარჯვებით 1:6 დასრულდა. დუბლი შეასრულა ლუკა კვანტალიანმა, თითო გოლი კი თაზო ბოხუამ, თედი ვაზირფურმა, ლაშა თადუმაძემ და ჯორჯ ვაზირფურმა გაიტანეს. ზურა იაშვილი გახდა ერთადერთი გოლის ავტორი ფეიდეიდან. ეფა 15 ქულით მეშვიდე ადგილზე იმყოფება. ფეიდეის კი 1 ქულა გააჩნია და ჯგუფის ბოლო ადგილოსანია.

7:3 მოუგო ინტერსპორტმა ვაზისუბანს, გადაუსწრო და მწვანე ჯგუფში 27 ქულით პირველ ადგილზე დამკვიდრდა. შესაბამისად მეორეა ვაზისუბანი, რომელსაც ასევე 27 ქულა გაჩნია. რაც შეეხება გოლებს, გამარჯვებულთაგან პენტატრიკი შეასრულა გიორგი ფირანიშვილმა, დუბლი გაიფორმა ოთარ გაგნიძემ. ვაზისუბნიდან გოგიტა უგულავა (დუბლი) და ლაშა გურგენიძე გამოირჩნენ.

3:7 დამარცხდა HIPP 7 კოდთან გამართულ მატჩში. დუბლი შეასრულა კონსტანტინე სახეჩიძემ და მურმანი ბაკურაძემ, თითო გოლი გაიტანეს ანზორ ბერიძემ, ალექსანდრე მურუსიძემ და დავით ბუცხრიკიძემ. 7 კოდი ლურჯ ჯგუფში მესამე ადგილზე იმყოფება და 21 ქულას ფლობს. ჰიპი კი 5 ქულით მეთერთმეტეა.

დიდი ანგარიშით 9:3 დაამარცხა CRYSTALBET-მა მეგობრები.  დავით მაკარაძის პენტატრიკი, მინდია შკუბულიანის და ნადიმი კახაძის დუბლი ვიხილეთ გამარჯვებულთაგან. მეგობრებიდან კი ნიკოლოზ ლიპარიშვილი (დუბლი) და დავით ცერცვაძე გამოირჩნენ. ამ მოგებით 13 ქულა  ოუგროვდა და მეშვიდე საფეხურზე განთავსდა კრისტალბეთი, მეგობრები კი 10 ქულით მეცხრე საფეხურზე იმყოფება.

2:3 წააგო ცხოველთა მონიტორინგმა თბილსერვისი წინააღმდეგ გამართული მატჩი. ნუგზარ კაპანაძემ დუბლი ჩაიწერა საკუთარ აქტივში, ერთი გოლი კი შოთა ჯიშკარიანის ანგარიშზეა. ჯანო ჯაფარიძემ და ირაკლი ბაჯელიძემ გაიტანეს ცხ.მონიტორინგიდან. 20 ქულა აქვს და ჯგუფში მეოთხეა თბილსერვისი, მონიტორინგელები კი 8 ქულით მეათე ადგილზე არიან.

6:3 იმარჯვა ბრიტანიამ ვიჯი ტექნოსთან, რომელსაც 19 ქულა და ჯგუფის მეხუთე ადგილი აქვს. ბრიტანიას კი ამ ეტაპზე 13 ქულა აქვს და მეშვიდე პოზიციაზე იმყოფება. რაც შეეხება გოლებს, გამარჯვებულთაგან ვიხილეთ ლუკა ფარცვანიას და გარი წერეთელი დუბლი, ასევე  ბესიკ ქორიძისა და რეზო ყიფიანის გოლები. ვიჯი ტექნოდან კი გივიკო ტიტვინიძე და მიხეილ კავთიძე გამმოირჩნენ.

1 ქულიანი სხვაობით 6:7 დამარცხდა საბურთალო SPERA-ს წინააღმდეგ გამართულ დაპირისპირებაში. ძალიან კარგი თამაში ჩაატარა ცოტნე ქინქლაძემ ნდა საკუთარ გუნდს 5 გოლითაც დაეხმარა, ასევე გაიტანა სანდრო ხურაძემ. საბურთალოდან კი გოლების ავტორები გახდნენ უტა მაღლაფერიძე (ჰეთრიკი), არჩილ კიკოლაშვილის (დუბლი) და ლაშა ლაზარიშვილის, ერთიც ავტოგოლი გავიდა.

კარგი თამაში შედგა და თავდაუზოგავი ბრძოლის მიუხედავად ფრე 4:4 დაფიქსირდა სპარტასა და ჰერმესის შეხვედრაში.  ერთი გოლი დაამატა და ჯამში 42 გაუხდა ჩელენჯის ბომბარდირ თორნიკე ჩუბითიძეს, ასევე გაიტანეს  გენადი კალანდაძემ და გიორგი ქეცბაიამ. ჰერმესიდან თორნიკე ალიხანოვის და ლაშა ჩხაიძის დუბლები გავიდა. სპარტა 25 ქულით მესამე ადგილს იკავებს, ჰერმესს კი 17 ქულა და ჯგუფის მეხუთე ადგილი აქვს.

გამართულ შეხვედრებში საუკეთესოებად დასახელდნენ: გიორგი ფირანიშვილი (ინტერსპორტი), დავით მაკარაძე (კრისტალბეთი), ვათა ჯავახიშვილი (ეფა), კონსტანტინე სახეშიძე (7კოდი), ცოტნე ქინქლაძე (სფერა), ლაშა ჩხაიძე (ჰერმესი), გარი წერეთელი (ბრიტანია), შოთა ჯიშკარიანი (თბილსერვისი). ფეხბურთელები მხარდამჭერმა კომპანია ვიტამინმა ტრადიციულად სპეციალური პრიზით დააჯილდოვა.

მეათე ტურის დასრულების შემდეგ შეიძლება ითქვას, რომ მწვანე ჯგუფის ლიდერია ინტერსპორტი, მას მოყვება ვაზისუბანი, მესამეა სპარტა. ლურჯ ჯგუფს სათავეში ისევ არმია უდგას, მეორე ვიჯი ტექნოა, სამეულს კი ხურავს ჯითისი.

ბომბარდირებს 42 გოლით ლიდერობს თორნიკე ჩუბითიძე, მას მოყვება ირაკლი ლატარია, რომელსაც 22 გოლი აქვს გატანილი, მესამე კი ვიტალი უზოევია ასევე 22 გოლით. შვიდეულში არიან ლაშა გურგენიძე (22), ცოტნე ქინქლაძე (21), ოთარ გაგნიძე (19),  და არჩილ კიკოლაშვილი (17).

რეგულარული ჩემპიონატის დასკვნითი ტურის მატჩები 14-15 ნოემბერს გაიმართება.